Abhaebheeso 2:14 - Eriiraghano Eriihë

¹⁴ Kirisito omwene naturëëtiire omurëmbë gho kobhaköra Abhayahuuti na abhaato bha matöngö kubha egheghiro kimu. ꞉Naaköriri hangʼu gho nchëra e kuhaanyura oroghito runo roore rotutaaniri na ghotuköra abhabhisa. Oroghito ruyo nduhanywiru gho nchëra e roko rooche,

Abhaebheeso 2:14 ပူးပေါင်းရင်းမြစ်များ

Ruuka 1:79

na ghotomorekera bhano tumanyiri mo‑kengʼuuri, na bhano twangiire mo‑kiriiri ke roko. Ndeghotukangata, tubhe toraheta mo‑nchëra e murëmbë.”

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Yohana 10:16

Eni neenyi na changʼöndu echende chino chetaanyi che mo‑mowaara uno, choose nekwëndëru nechirëëtë. Changʼöndu chiyo choose nchekorimënya eriiraka reene. Gho nchëra iyo, ndeekubha erikinda rimu, no omoriishi umu.

Yohana 11:52

Wiiki Yesu taaghoku gho ghiri e ritöngö riyo eryene chiri, amare kubha abhakome abhaana bha Ryobha bhano bhasanchiri, kubha bhabhe haghirohamu.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Amaköri gha Bhatomu 10:28

Bheetero akabhabhoorera, “Inyu mweche bhoheene kubha itu Abhayahuuti totiishereriiru ne emeghiro ghiito ghughöötana na abhaato bha matöngö aghande, koru kobhataarera. Amare Eryobha ndënyëërëkiri kubha netamobherekera omooto wowoose kubha m‑moghonchu, hamu kubha taakurëngʼaanera.

Amaköri gha Bhatomu 10:36

Iwe ꞉naatomiri amangʼana ghaache kwo Abhiisiraeri arabharaghaneri Angʼana Anchömu e murëmbë gho nchëra e Yesu Kirisito. Yesu uyo niwe Omutëmi o bhaato bhoose.

Abharuumi 5:1

Mbe, Eryobha ndetubhariri kubha m‑bha hëënë toonyi ambërë yaache, kurëngʼaana no obhokumi bhwito. Gho ghayo, ntoonyi no omurëmbë ne Eryobha gho kohetera Omutëmi wiito Yesu Kirisito.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Abhaebheeso 2:15

aghatoruuseri emeghiro ghe Kiyahuuti ghino gheenyi na amahatëkö na amëërëkërëri. Gho ghayo, aghaköra itu Abhayahuuti na abhaato bha matöngö kubha egheghiro kimu ekihë kino keenyi no obhumu nawe, na akarëëta omurëmbë.

Abhaebheeso 2:17

Mbe, Kirisito ꞉niichiri akaraghani Angʼana Anchömu e murëmbë ghokoonyu inyu abhaato bha matöngö bhano moore kurë ne Eryobha, na kwo Bhayahuuti bhano ꞉bhaare haghuhe ne Eryobha.

Abhaebheeso 3:15

uno anyi simoka e bhyose bhino bheenyi mo‑se na Mwishaaro.

Abhaebheeso 4:16

Kirisito naghughöötani abhaato bhaache bhoose kubha bhamu, kinya bhuno ebhyemo bhe mobhere bhehaghöötana haghirohamu, na kubha omobhere umu. Mbe, kira kyemo keraköra omoremo waache kinya ghekwëndëru, omobhere woose nokwiyëngëra na ghuköngʼëri mo‑bhosiighi.

Abhakorosaayi 1:20

Wiiki gho nchëra e Kirisito, Eryobha rekabhighöötani ebheghiro bhyose na ryo, ebheghiro bhino bheenyi mo‑se, hamu bhino bheenyi mwishaaro. ꞉Naaköriri hangʼu gho ghotoora omurëmbë kohetera amasaahë gha Kirisito ghano ꞉ghiitëkiri mo‑musarabha.

Abhakorosaayi 2:20

Inyu atëëmö yaanyu e kare ꞉neekuure haghirohamu na Kirisito, gho kubha ꞉naabhatooriri koru mo‑chaakörö chambe chino cheghukangata ase ino. Mbe, ngwake mokeere mwikeere kinya abhaato bha mo‑se ino? Motiishereri ghosooka emeghiro ghenga ghino,

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Abheebhuraaniya 7:2

Iwe Abhurahamu akaruusi imu ghwi ikomi mo‑bheghiro bhino ahökiri abhatëmi bhaare mwihë na komuha Merikiseteeki. Eriina re Merikiseteeki egheteemoro keeche, “Omutëmi uno anyi no obhuhëënë,” wiiki eriina re “Omutëmi o Sareemu” egheteemoro keeche, “Omutëmi o murëmbë.”