Abhaebheeso 2:13 - Eriiraghano Eriihë

¹³ Amare ibheere gho kohetera Kirisito Yesu, inyu bhano hayo ekeenyuma moore kurë ne Eryobha na abhaato bhaache, murëëturu haghuhe gho nchëra e masaahë gha Kirisito.

Abhaebheeso 2:13 ပူးပေါင်းရင်းမြစ်များ

Yohana 10:16

Eni neenyi na changʼöndu echende chino chetaanyi che mo‑mowaara uno, choose nekwëndëru nechirëëtë. Changʼöndu chiyo choose nchekorimënya eriiraka reene. Gho nchëra iyo, ndeekubha erikinda rimu, no omoriishi umu.

Amaköri gha Bhatomu 15:14

Bheetero namariri ghotobhoorera kinya Eryobha ꞉riinyaakiire abhaato bha matöngö, kubha ryahure ghate yaabho bhabhe abhaato bhaache.

Amaköri gha Bhatomu 2:39

Eryobha ꞉ndiiraghiri eriiraghano rino gho ghiri yaanyu, na kwo bhaana bhaanyu, na kwo bhano bhoose bhaanyi kurë. Omutëmi Waryobha ꞉naaraghiri kwo bhaato bhoose bhano akobhabherekera.”

Amaköri gha Bhatomu 22:21

Nawe Omutëmi aghangarokeri, ‘Nooghi, gho kubha neghoghotoma oghi kurë mo‑bhaato bha matöngö.’”

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Abhaebheeso 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. ˆNekabhaandëkëra inyu abhatööbhiyu bha Ryobha bhano mumanyiri Ebheeso, bhano momokumiri Kirisito Yesu.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abhaebheeso 2:12

Mohiite kubha, eriibhagha riire motamumënyiri Kirisito, moore mwahukiine na abhaato bha Ryobha Abhiisiraeri, moore abhaghëni ghate yaabho. Inyu motaare no omubharo wowoose mo‑riiraghano riire abharaghiire. ꞉Muumanyiri mo‑se motaanyi ne eriitëngʼërö koru motaare ne Eryobha.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Abhaebheeso 2:6

Gho ghughöötana kwito na Kirisito Yesu, Eryobha ndetoryokiri haghirohamu nawe, tubhe abhakangati haghirohamu nawe mo‑se ino etaakorighibhu.

Abheebhuraaniya 9:18

Nikyo ꞉ghiighëriri koru Eriiraghano riire re Kare retaare na changuru oraanga ghwita amasaahë gha chatyenyi.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.