Abhaebheeso 2:12 - Eriiraghano Eriihë

¹² Mohiite kubha, eriibhagha riire motamumënyiri Kirisito, moore mwahukiine na abhaato bha Ryobha Abhiisiraeri, moore abhaghëni ghate yaabho. Inyu motaare no omubharo wowoose mo‑riiraghano riire abharaghiire. ꞉Muumanyiri mo‑se motaanyi ne eriitëngʼërö koru motaare ne Eryobha.

Abhaebheeso 2:12 ပူးပေါင်းရင်းမြစ်များ

Ruuka 1:72

Wiiki akabhugha kubha, naakubha araghwera bheghongi bhasookoro bhiito, na arahiita eriiraghano reeche eritööbhiyu.

Yohana 10:16

Eni neenyi na changʼöndu echende chino chetaanyi che mo‑mowaara uno, choose nekwëndëru nechirëëtë. Changʼöndu chiyo choose nchekorimënya eriiraka reene. Gho nchëra iyo, ndeekubha erikinda rimu, no omoriishi umu.

Yohana 15:5

“Eni n‑omusabhiibhu, na niinyu n‑ebhihaghe. Omooto uno aghwikara moose yaane, na neeni moose yaache, uyo naakubha arasönga amakorobhese maaru, gho kubha aribha taanyi eni motaaghotora ghuköra ngʼana yoyoose.

Yohana 4:22

Inyu Abhasamaariya moghusëngëra kino moteeche, amare itu Abhayahuuti ntokorisëngëra Eryobha rino tweche, gho kubha ndekobhatoori abhaato gho kohetera Abhayahuuti.

Amaköri gha Bhatomu 2:39

Eryobha ꞉ndiiraghiri eriiraghano rino gho ghiri yaanyu, na kwo bhaana bhaanyu, na kwo bhano bhoose bhaanyi kurë. Omutëmi Waryobha ꞉naaraghiri kwo bhaato bhoose bhano akobhabherekera.”

Amaköri gha Bhatomu 28:20

Kurëngʼaana na ghayo, nigho ghaghëriri nebhabherekere, gho ghiri tosiikërë haghirohamu. Angʼana ino nibhöhiiru eminyörörö ghino, n‑gho kubha nekomokumi Kirisito uno anyi eriitëngʼërö re Abhiisiraeri bhoose.”

Amaköri gha Bhatomu 3:25

Inyu n‑abhaana bha bharööti moonyi, wiiki moghusanga eriiraghano rino Eryobha ꞉riiköriri na bhasookoro bhaanyu. Eryobha ꞉ndeemuraghiri Abhurahamu, ‘Gho kohetera orwibhoro roocho, abhaato bha chaase choose mbaghwitabheru.’

Abharuumi 9:8

Ekebhune ke mangʼana ghayo n‑kubha, abhaana bha Ryobha taanyi bhoose bhano ꞉bhiibhwiru na Abhurahamu, amare n‑orwibhoro rooche runo rwibhwiru kurëngʼaana na kinya Eryobha ꞉riiraghiri.

Abhagharatiya 4:8

Inyu hayo ekeenyuma motarimënyiri Eryobha. Eriibhagha riyo, moore abhasësë bha misambu ghino ghetaanyi Eryobha.

Abhaebheeso 2:19

Mbe, korwera ibheere inyu motaanyi abhaghëni wiiki, hamu abhaheti. Amare inyu mubheere abhiikari haghirohamu na abhatööbhiyu na wiiki inyu n‑abhaato bha Ryobha moonyi.

Abhaebheeso 4:18

ngakundekiiru ne ekengʼuuri. Abhaato bhayo mbatooruru kurë no obhuhöru bho Ryobha gho ghiri e bhuraghaanu bhoobho no obhuköngʼu bho metema gheebho.

Abhakorosaayi 1:21

Hayo ekeenyuma inyu bhoose moore kurë ne Eryobha wiiki moore abhabhisa bhaache, gho ghiri e miihëëbhö na chatëëmö cheenyu chambe. Amare ibheere Eryobha ndebhaghöötiini nawe

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhakorosaayi 1:5

Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

1 Abhatesaronike 4:13

Inyu bhahiiri bhiito, ntokwënda mumënyë ghano ghakorwera mo‑Bhakirisito bhano bhakuure, kubha motabha na amacheeche ke bhaato abhande bhano bhataanyi na amiitëngʼërö gha koryoka.

1 Abhatesaronike 4:5

Motabha na ghwighomba kobhe kinya abhaato bhano bhataryeche Eryobha.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

1 Timotewo 1:1

Anyaarubha ino neyandëkiri eni Bhawuro. Eni netomuru kubha omotomu o Kirisito Yesu gho kuhatëku ne Eryobha Omotoori wiito na Kirisito Yesu uno anyi eriitëngʼërö riito.

Abheebhuraaniya 11:34

Kurëngʼaana na ghokumi koobho, mbaare bhararimi omororo muhaari, ꞉mbaahöniri ghwitu ne ekinyamiino. Bhataare ni inguru, amare Eryobha ꞉ndeebhaheere changuru che ghokinda eriihë na kuhëëbha abhaashirikare bha chaase echende.

Abheebhuraaniya 6:18

Erabha Eryobha ndirahiiri na komuraghera, retaaghugharura naabha gho kubha iryo retaanyi ibhiihi. Iryo ꞉ndiiköriri ebheghiro bhibhere hangʼu, kuraheri na kuragha, kubha retuhë omukörö itu bhano tungʼösiire ghokooche, tubhe na amiitëngʼërö gho ghaare ghakuucha ambërë yiito.

Abheebhuraaniya 8:6

Amare Eryobha ndemoheere Yesu emeremo ghe bhuchaama ghino gheenyi no obhwëra chwee ghokera ghiire ghe bhachaama a bhambërë. Yesu niwe aghutëmëërani abhaato ne Eryobha gho kohetera Eriiraghano rino reenyi no obhwëra ghokera riire e rimbërë. Wiiki Eriiraghano riyo ndyabhëkuru mo‑bhoroso obhuchömu, ekebhune keeche n‑kubha, ndyabhëkuru ighoro e riiraghano ichömu chwee ghokera riire re Riiraghano re Kare.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

1 Bheetero 3:15

Mubhe mwisëëmiri eriibhagha ryose ghugharokeri wowoose uno akobhabhoori kino moghwitëngʼëra. Mukörë hangʼu kwo bhuhörëëru na asooko,

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.