Abhaebheeso 2:10 - Eriiraghano Eriihë

¹⁰ Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abhaebheeso 2:10 ပူးပေါင်းရင်းမြစ်များ

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Yohana 3:21

Amare abhaato bhoose bhano bhaghughööta obhuhëënë mbaghutambana obhwero bhuyo, kubha amaköri ghaabho gharighibhu haheero, imënyu kubha mbaköriri hangʼu kwo bhotoro bho Ryobha.

Amaköri gha Bhatomu 9:31

Mbe, chaasiko chiyo, abhaato bha mo‑kanisa haghiro hoose ha Yuteya, na Ghariraaya, na Samaariya bhaakabha no omurëmbë. Abhaato bhayo bhakabhöna changuru na ghotooru omukörö na Akörö Ahörëëru. Bhaakabha bharamosooka Omutëmi, ne ekirëngërë ke bhano ꞉bhaakumiri ghëkëëngëra chwee.

Amaköri gha Bhatomu 9:36

Mo‑moghya o Yoobha naare‑ho omukari umu omughëndi o Yesu, eriina reeche Tabhiita. (Na mo‑ghighambo ghe Keyunaani, eriina riyo n‑Torikaasi, egheteemoro keeche n‑asuma.) Torikaasi uyo naare arabhasakeri abhahabhe, akabha araköra amaköri amachömu.

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

Abharuumi 8:29

Eryobha ꞉ndiimënyiri abhaato bhaache korwera hano ase ere ekeere ghutëëmu. Bhayo nibho Eryobha ꞉ryaahwire korwera kare bhabhe kinya Omoona waache Yesu Kirisito. ꞉Ndiiköriri hangʼu kubha Omoona waache abhe omutange ghate e bhahiiri bhaaru.

1 Abhakorinto 3:9

Neghosiikëra hangʼu gho kubha eni na Abhooro ntoghuköra emeremo ghino ghe Ryobha haghirohamu, na niinyu n‑omoghondo o Ryobha moonyi, wiiki n‑anyumba yaache moonyi.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

2 Abhakorinto 5:5

Eryobha niryo retusëëmiri kwo mangʼana ghayo na ndetoheere Akörö yaache, kubha ibhe ekimanyenkereri ghe kwërëki kubha ghayo ngaghuköru.

2 Abhakorinto 9:8

Eryobha ndeghotora kobhiitabheri ghokera bhuno mokwënda, kubha eriibhagha ryose mubhe ne ebheghiro bhyose bhino mokwënda, na mubhe abhaato bha ghuköra amachömu maaru gha kobhatoori abhande.

Abhagharatiya 6:15

Ghusaaru hamu kwanga ghusaaru, ghotaanyi ne ekebhune ghyokyose. Egheghiro ke bhwëra n‑ghuköru obhuhë ne Eryobha.

Abhaebheeso 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. ˆNekabhaandëkëra inyu abhatööbhiyu bha Ryobha bhano mumanyiri Ebheeso, bhano momokumiri Kirisito Yesu.

Abhaebheeso 1:4

Hano Eryobha reere rekeere ghutëëma ase ino, ꞉ndeetwahwire tubhe abhaato bhaache gho ghughöötanibhu na Kirisito kubha, tubhe abhatööbhiyu na totaanyi ni isörö ambërë yaache. Kwo bhosiighi bhooche,

Abhaebheeso 2:13

Amare ibheere gho kohetera Kirisito Yesu, inyu bhano hayo ekeenyuma moore kurë ne Eryobha na abhaato bhaache, murëëturu haghuhe gho nchëra e masaahë gha Kirisito.

Abhaebheeso 2:15

aghatoruuseri emeghiro ghe Kiyahuuti ghino gheenyi na amahatëkö na amëërëkërëri. Gho ghayo, aghaköra itu Abhayahuuti na abhaato bha matöngö kubha egheghiro kimu ekihë kino keenyi no obhumu nawe, na akarëëta omurëmbë.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Abhaebheeso 2:6

Gho ghughöötana kwito na Kirisito Yesu, Eryobha ndetoryokiri haghirohamu nawe, tubhe abhakangati haghirohamu nawe mo‑se ino etaakorighibhu.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abhaebheeso 4:24

Mwitoorere asughara ahë, ino ꞉itëëmuru gho tëëmö e Ryobha. Atëëmö iyo nekorighibhu gho ghuköra ghano iryo rekwënda na kubha no obhutööbhiyu.

Abhabhiribhi 1:6

Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

Abhabhiribhi 2:13

Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhakorosaayi 3:10

mobheekiri atëëmö ahë. Atëëmö ahë iyo nehaabha eraköru bhuhë kurëngʼaana ne eghetuubhaani keeche eryene rino reyebhombiri, kubha morimënyë bhoheene.

2 Abhatesaronike 2:17

abhaghambisani emetema gheenyu na kobhaköngʼëërëri kwo mangʼana amachömu ghoose ghano moghosiikëra hamu ghuköra.

1 Timotewo 2:10

Amare ghwichöcha koobho, kubhe kwo maköri amachömu, kinya bhuno ekwëndëru mo‑bhakari bhano bhiisheriiri korisëngëra Eryobha.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

1 Timotewo 5:25

Hangʼu hangʼu, amaköri amachömu ngakorighibhu haheero. Na ghaare ghakeere ghabhisuru, ghataaghusaagha hangʼu hangʼu, ngakuucha kubha haheero.

1 Timotewo 6:18

Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.

2 Timotewo 2:21

Ibheere, omooto ariiyeri gho ghotigha obhobhe bhuyo bhoose, naakubha kinya egheghiro ghe sooko kino kyahwiru. Naakubha arëngʼaaniire mo‑Mutëmi waache, naakubha isëëmiri mo‑meremo ghyose emichömu.

2 Timotewo 3:17

Gho ghayo, Amandëkö ghayo ngaghuköra abhaato bha Ryobha bhabhe bhiisëëmiri na ghusëëmibhu ghuköra amaköri amachömu.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Tiito 2:7

Iye woose, mo‑mangʼana ghaacho ghoose, ubhe eghetuubhaani ghe kweghu gho ghuköra amachömu. Mo‑meeghi ghaacho, wërëki asooko no obhuhëënë.

Tiito 3:1

Ubhe orabhahiiti abhaato kubha, bhabhasooke na kobhoghwera abhakangati na bhano bhaanyi no obhotoro. Bhabhe bhiisëëmiri ghuköra angʼana yoyoose anchömu.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Abheebhuraaniya 10:24

Wiiki totereere bhuno toghotoorana omukörö, kubha tosiighane na ghukörërana amachömu itu bheene kwo bheene.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

1 Yohana 2:6

Omooto uno akobhugha naanyi no obhumu ne Eryobha, nakwëndëru amanye kinya bhuure Yesu amanyiri.