Abhaebheeso 1:20 - Eriiraghano Eriihë

²⁰ chino ꞉riihökiiri hano remoryokiri Kirisito koru mo‑bhaku, na rekamotoora mo‑kubhökö kooche gho kwiro Mwishaaro.

Abhaebheeso 1:20 ပူးပေါင်းရင်းမြစ်များ

Mataayo 26:64

Yesu akamugharokeri akabhugha, “Niiye ˆokabhugha. Amare ˆnekabhabhoorera kubha, korwera ibheere mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Maariko 14:62

Yesu aghagharokeri akabhugha, “Eni niwe. Wiiki mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Maariko 16:19

Hano Omutëmi Yesu amariri ghosiikëra nabho, Eryobha rekamwimoki rekamohiki Mwishaaro. Aghiikara eribhaara re kwiro re Ryobha.

Yohana 10:18

Taanyi‑ho omooto uno aghotora kuuhöka obhuhöru bhoone. Eni neenyi no obhotoro bho kobhoruusi obhuhöru bhoone, wiiki eni neenyi no obhotoro bho kobhwimoki wiiki obhuhöru bhoone. Hangʼu nibhu Taata ꞉andagheriiri ghuköra.”

Yohana 10:30

Eni na Taata m‑bhamu toonyi.”

Amaköri gha Bhatomu 10:40

amare orosiko ro ghatato, Eryobha rekamoryoki, rekamwërëkani mo‑bhaato.

Amaköri gha Bhatomu 26:8

Ngwake inyu mokwanga ghokumi kubha Eryobha ndekoryoki abhaku?

Amaköri gha Bhatomu 4:10

Mbe, inyu bhoose, haghirohamu na Abhiisiraeri abhande bhoose, nekwënda mumënyë obhuhëënë kubha, uno imeeriire ambërë yaanyu nabheere omuhöru kwo bhotoro bho riina re Yesu Kirisito o Nasareeti. Yesu uyo niwe uno inyu ꞉moomumambiri mo‑musarabha, amare Eryobha rekamoryoki koru mo‑bhaku.

Amaköri gha Bhatomu 5:31

Rekamoghongi na komuha omweya gho komotoora eribhaara reeche re kwiro, abhe Omukangati no Omotoori. Eryobha ꞉ndiiköriri hangʼu kubha retukörë itu Abhiisiraeri totighe inkongʼorimu amasari ghiito, twabhëru.

Abharuumi 1:4

amare gho kohetera Akörö ino enyi Intööbhiyu, Eryobha ꞉ndeemwahwire kubha Omoona o Ryobha uno anyi no obhotoro bhoose, hano remoryokiri koru mo‑bhaku. Yesu Kirisito uyo niwe Omutëmi wiito.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

Abhaebheeso 1:3

Mbe, reghongibhu Eryobha, Taata o Mutëmi wiito Yesu Kirisito! Iryo niryo retoheere orubhango ro mo‑chaakörö ro manga maaru mo‑se ino etaakorighibhu gho nchëra e ghughöötana kwito na Kirisito.

Abhabhiribhi 3:10

Nekwënda nemumënyë Kirisito chwee na kubha na changuru ghe chino are nacho Kirisito eriibhagha re koryoka kooche. Nekwënda kubhöna anyaako kinya iwe ꞉anyaakiibhu, wiiki nekwënda neku kinya akuure.

Abhakorosaayi 1:16

Gho kubha gho kohetera ghokooche, ebheghiro bhyose ꞉mbiitëëmuru, bhino bheenyi mwishaaro, na bhino bheenyi mo‑se, bhino bhekorighibhu, na bhino bhetaakorighibhu, erabha bhano bhaanyi n‑obhotoro, hamu abhatëmi, na abhakoro, hamu bha changuru. Bhyose ꞉mbiitëëmuru gho kohetera iwe, na gho ghiri yaache.

Abhakorosaayi 3:1

Ibheere gho kubha atëëmö yaanyu ahë neryokiibhu haghirohamu na Kirisito, mutabhare amangʼana gha Mwishaaro, hano Kirisito ikeere eribhaara re kwiro re Ryobha.

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Abheebhuraaniya 10:12

Amare Kirisito ꞉niiruusiri mara rimu hangʼu kubha amaruusi gho ghiri e masari ghiito. Iwe niwe amaruusi ghano gha ghwisha emiishe ghyose. Gho ghayo niikeere eribhaara re kubhökö gho kwiro kwo Ryobha.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Abheebhuraaniya 2:9

Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Obhohunyurëru 1:17

Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero.