Abhaebheeso 1:17 - Eriiraghano Eriihë

¹⁷ Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

Abhaebheeso 1:17 ပူးပေါင်းရင်းမြစ်များ

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Mataayo 20:33

Niho abhahuku bhayo bhakamugharokeri bhakabhugha, “Oo Omutëmi, ntokwënda amiisho ghiito gharighi.”

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Ruuka 12:12

Motanyaaka gho kubha, eriibhagha riyo, Akörö Ahörëëru nekobheeghi amangʼana ghano ghakwëndëru mobhughe.”

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 16:3

Mbakobhakörëra hangʼu, gho kubha bhatamweche Taata, wiiki bhatanyeche eni.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Amaköri gha Bhatomu 6:10

amare bhataatoriri komokinda gho kubha naare na amangʼiini kwo bhotoro bho Körö Ahörëëru ino ꞉emukangatiri hano are arasiikëra.

Amaköri gha Bhatomu 7:2

Siteebhano aghagharokeri akabhugha, “Abhahiiri bhaane na bhataata bhaane, muntëghëërërë! Eryobha re bhokumi obhokoro ꞉ndeemorweriire sookoro wiito Abhurahamu mo‑se e Mesobhotamiya, eriibhagha riyo naare akeere ghusaamera mo‑moghya o Haraani.

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

Abharuumi 15:6

Hayo niho na niinyu bhoose moghotora koreghongi Eryobha, Taata o Mutëmi wiito Yesu Kirisito, kwo mukörö umu na kwo riiraka rimu.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

1 Abhakorinto 14:6

Ibheere, abhahiiri bhaane, neraacha bhowaanyu na ghughamba ebhighambo ebhihë, moghotora kubhöna obhwëra ke? Motaakubhöna obhwëra bhobhoose. Amare nerabhabhoorera ghano Eryobha rehunyuriire, hamu nerabhaha obhumënyi, neraruusi obhurööti hamu nereeghi, hayo mokubhöna obhwëra.

1 Abhakorinto 2:10

Amare itu, Eryobha ndetwërëkiri ghayo gho kohetera Akörö Ahörëëru, gho kubha Akörö Ahörëëru nehiisuncha ghoose, koru obhorwachi bho Ryobha bhuno bhobhisuru.

1 Abhakorinto 2:8

Taanyi‑ho koru umu mo‑bhakangati bha se ino uno amënyiri amangʼiini ghayo, gho kubha mbangabheere bhaghamënyiri, bhatangamumambiri mo‑musarabha Omutëmi o bhokumi obhokoro.

2 Abhakorinto 12:1

Nekwëndëru kwihacha nangabha etaaghunsakeri ghyokyose. Ibheere nekwënda kwihacha ighoro e amarighi na amangʼana aghande ghano anyëërëkiri Omutëmi Yesu.

Abhaebheeso 1:3

Mbe, reghongibhu Eryobha, Taata o Mutëmi wiito Yesu Kirisito! Iryo niryo retoheere orubhango ro mo‑chaakörö ro manga maaru mo‑se ino etaakorighibhu gho nchëra e ghughöötana kwito na Kirisito.

Abhaebheeso 3:5

Ekebhisere kiyo retaabhamënyiri abhaato bha kare, amare ibheere ndebhahunyuriire abhatööbhiyu bhaache abhatomu na abharööti gho nchëra e Körö yaache.

Abhaebheeso 4:13

Emeremo ghiyo ngekwëndërëra mbagha itu bhoose tohikere kubha bhamu mo‑bhokumi na komumënya bhoheene Omoona o Ryobha, tubhe abhaato bhano tuköngʼiri gho kohikera ekirëngërë ke bhohikeerani bho Kirisito.

Abhabhiribhi 3:15

Gho ghayo, itu bhoose bhano tuköngʼiiri kimu kimu mo‑bhokumi ntokwëndëru ghwisherererani kwo mangʼana ghano. Aribha mokwihëëbha obhonde kwo ngʼana yoyoose yiire, Eryobha niryo rekobhahunyurera moghamënyë kinya ghaanyi.

2 Timotewo 2:25

Nakwëndëru abhe arabhakaariha abhaato bhano bhakuhakaana nawe kwo bhuhörëëru, kubha hande abhe hamu, Eryobha rebhahë ghotuukuuna na gho ghayo, bhamënyë obhuhëënë.

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

Yakobho 2:1

Abhahiiri bhaane, gho kubha momokumiri Omutëmi wiito Yesu Kirisito, Omutëmi o bhokumi obhokoro, motabha moriyaahukani mo‑bhaato.

2 Bheetero 1:3

Eryobha kohetera mo‑bhotoro bhooche, ndetoheere amangʼana ghoose ghano tookwënda, kubha tubhe no obhuhöru, na tukörë ghano ghakwëndëru ambërë yaache. Ndetoheere ghayo gho nchëra e korimënya rino atobherekiire gho ghiri e bhokumi obhokoro no obhuhöriicho bhooche eryene.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

Obhohunyurëru 7:12

bharabhugha, “Hawubhaabha! Eryobha riito ndeenyi no obhokumi obhokoro, na ndeenyi na amangʼiini, wiiki ndeenyi no obhotoro na changuru choose, toreghongi, toriitabheri, toresooke, emiishe ne emiishe. Hawubhaabha!”