Abhabhiribhi 4:6 - Eriiraghano Eriihë

⁶ Motighe kwinyaaki mo‑ngʼana yoyoose, amare mo‑mangʼana ghoose musabhe na ghusasaama, haghirohamu na ghwitabheri, amënda ghaanyu ghamënyu ne Eryobha.

Abhabhiribhi 4:6 ပူးပေါင်းရင်းမြစ်များ

Mataayo 10:19

Hano bhakobhaghööta na kobhahira mo‑bhakangati, motaacha kubha na ahaho kubha neke moghosiikëra, hamu nibhu moghosiikëra. Eryobha eryene ndekobhaha ghano moghosiikëra kwo riibhagha riyo.

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

Mataayo 6:34

“Mbe, motiinyaaki ighoro e tabhoori gho kubha tabhoori nekwinyaakera eyeene. Orosiko roose ndoonyi na anyaako yaache.

Mataayo 6:8

Motabha kinya ibho bhaghuköra, gho kubha Taata waanyu neeche ghano mokwënda koru hano mookubha mokeere komusabha.

Ruuka 10:41

Amare Omutëmi akamugharokeri, “Oo Marita, Marita! Nokunyaaka no okwirighora gho ghiri e bheghiro bhyaru.

Ruuka 12:22

Akamara Yesu, akabhabhoorera abhaanabheegha bhaache akabhugha, “Mbe, ˆnekabhabhoorera, motanyaakera eriimanya reenyu, kubha neke mookurë, hamu kubha neke mokobheeka.

Ruuka 12:29

“Mbe, motabha moranyaaka kubha, neke mookurë, hamu neke mookunyo, motabha morinyaaki ighoro e ghayo.

Ruuka 18:1

Yesu akabhabhoorera abhaanabheegha bhaache eghetuubhaani kino, köbhëërëki kubha mbakwëndëru korisabha Eryobha chaasiko choose na bhataku omukörö.

Ruuka 18:7

Eryobha kana, retaakobhakörëra bhoheene abhaato bhaache bhano bhakorisasaama rebhatoori, obhotiko no omwishe? Hëënë ndeghukëëchëra kobhatoori?

1 Abhakorinto 7:21

Aribha Eryobha rekobherekiire onyi omusësë, riyo retakunyaaki. Amare aribha orabhöna omweya o ghwitoora huuru, uhökëri omweya uyo.

1 Abhakorinto 7:32

Nekwënda motabha na ahaho ighoro e mangʼana gha riimanya rino. Omooto uno akeere ghokwira, nahahöki emeremo ghe Mutëmi, nakwihëëbha kinya bhuno akomotegheri Omutëmi.

2 Abhakorinto 1:11

aribha moghusakerani na niitu gho ghotusabhera kwo Waryobha. Iryo ndekooghu amasabhi ghaanyu na ndeghotwitabheri. Niho abhaato bhaaru bhakoriitabheri Eryobha gho ghiri yiito.

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

Abhakorosaayi 4:2

Mubhe morasabha chaasiko choose, mughanye na koriitabheri Eryobha.

1 Timotewo 2:1

Mbe, ghokera ghoose neghusabha mubhe morasabhera abhaato bhoose, kwo masabhi gha manga maaru. Wiiki, mubhe morariitabheri Eryobha gho ghiri e bhaato bhoose.

1 Timotewo 5:5

Omukari omosino uno ataanyi no omooto o komusakeri, uyo nakoriitëngʼëra Eryobha, nakorisasaama na ghusabha obhotoorereri bhooche obhotiko no omwishe.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

1 Bheetero 5:7

Moretighere Eryobha ahaho yaanyu yoose, gho kubha ndekobhatereera chwee.