Abhabhiribhi 4:11 - Eriiraghano Eriihë

¹¹ Nteekobhugha hangʼu gho kubha neenyi na amënda, tiyaanyi. Eni nyeghiri kuhaabha na kino neenyi nakyo.

Abhabhiribhi 4:11 ပူးပေါင်းရင်းမြစ်များ

Ruuka 3:14

Abhaashirikare bhoose bhakamobhoori bhakabhugha, “Itu, naho tukörë bhu?” Akabhagharokeri akabhugha, “Motamuhöka omooto ebheghiro bheeche, koru ghosiikëra obhobhiihi kubha mubhönë chambiiri! Wiiki muhaabhe na amareho ghano mokuhaabhu.”

2 Abhakorinto 11:27

Niköriri emeremo emiköngʼu na kunyaaka, na mara kaaru nebhoriri chandöörö, na nitëmuru na anchëra na anyööta, mara kaaru ntebhwine ekiinyakurë, na niikeere mo‑nyighita netaanyi na changibho che mbeho.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

2 Abhakorinto 9:8

Eryobha ndeghotora kobhiitabheri ghokera bhuno mokwënda, kubha eriibhagha ryose mubhe ne ebheghiro bhyose bhino mokwënda, na mubhe abhaato bha ghuköra amachömu maaru gha kobhatoori abhande.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.