Abhabhiribhi 4:10 - Eriiraghano Eriihë

¹⁰ Mbe, nichömiiru chwee gho ghughöötana no Omutëmi Yesu, gho kubha, antenero, moghasëëma wiiki konyihëëbhëra eni. Nyeeche kubha chaasiko choose moore moranyihëëbhëra, amare moghataamibhu kubhöna anchëra e ghontomera obhotoorereri bhoonyu ghokoone.

Abhabhiribhi 4:10 ပူးပေါင်းရင်းမြစ်များ

2 Abhakorinto 11:9

Eriibhagha neere haghirohamu na niinyu, nteere omorigho kwo mooto wowoose hano neere nerasuuheru, gho kubha abhakumi bhano ꞉bhaaruure Maketoniya mbaheere bhino neere nërëënda. Neere neriichonga netaacha kubha omorigho ghokoonyu koru hasuuhu, wiiki nekwëndërëra ghwichonga.

2 Abhakorinto 6:7

wiiki gho nchëra e kuraghani amangʼana gha mahëënë. Ntohaaköra ghayo ghoose gho changuru che Ryobha. Obhuhëënë nibho ebhiröönërö bhiito, eribhaara re kwiro na re kumosi.

Abhagharatiya 6:10

Mbe, eriibhagha ryoryose torabha no omweya, tobhakörërë abhaato bhoose amachömu, amare ahanene abhakumi bhaghëndi bhiito.

Abhagharatiya 6:6

Omooto uno akweghibhu angʼana e Ryobha, nakwëndëru abhe aramuhööhi omweghi waache ebheghiro ebhichömu bhino akubhöna.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Abhabhiribhi 1:3

Eriibhagha ryose hano nekobhahiita inyu, nekoriitabheri Eryobha, Omutëmi waane.

Abhabhiribhi 2:30

gho kubha ꞉naatingʼiri ghoku gho ghiri e meremo ghe Kirisito. Wiiki ꞉naatingʼiri kwirëëtëra atabhaaribhaari mo‑bhuhöru bhooche kubha ahiki obhotoorereri bhuno inyu motaatoriri kobhohiki ghokoone gho kubha n‑kurë neere na niinyu.