Abhabhiribhi 3:9 - Eriiraghano Eriihë

⁹ wiiki nighöötane nawe kimu. Nteeghwitëngʼëra wiiki obhuhëënë bhuure bhokorwera gho ghutambana emeghiro, amare neghwitëngʼëra obhuhëënë bhuno bhookoru gho komokumi Kirisito. Obhuhëënë bhuyo, mbokuhaanu ne Eryobha mo‑bhaare bhamokumiri Kirisito.

Abhabhiribhi 3:9 ပူးပေါင်းရင်းမြစ်များ

Mataayo 9:13

Mbe, moghi mweghe amangʼana gha Ryobha mo‑Mandëkö Amatööbhiyu ghano ghakobhugha kubha, ‘Nekwënda möbhëërëki abhaato abhande changori, ghokera konduuseri amaruusi.’ Mbe, eni ntiichiri kobhabherekera bhano bhakwirighi kubha m-bhahëënë ambërë e Ryobha! Amare niichiri kobhabherekera bhano bhaanyi na amasari.”

Abharuumi 1:17

Angʼana Anchömu iyo nekwërëki haheero kinya bhuno Eryobha rekubharera abhaato kubha abhahëënë ambërë yaache. Abhaato mbakubhareru kubha abhahëënë ambërë e Ryobha gho nchëra e ghokumi okwene. N‑kinya bhuno Amandëkö Amatööbhiyu ghakobhugha kubha, “Uno anyi omuhëënë, nakumanya kwo bhokumi.”

Abharuumi 10:10

Omooto aramokumi Yesu Kirisito mo‑motema waache, niho akubhareru kubha naanyi no obhuhëënë ambërë e Ryobha. Ariishereri komokumi kwo monu waache, niho aghotooribhu.

Abharuumi 16:7

Momukëëri Andironiko na Yuuniya. Bhayo n‑Abhayahuuti abhaghëndi bhaane bhano ꞉bhaabhöhuru haghirohamu na neeni mwighërëcha. ꞉Mbaankangatiri komokumi Kirisito, wiiki m‑bha sooko chwee ghate e bhatomu.

Abharuumi 5:21

Mbe, eriisari ndeere na changuru che ghukangata abhaato na kobharëëtëra oroko. Hangʼu hangʼu, aghareeya e Ryobha nehaakangata abhaato, gho kobhabharera kubha mbaanyi no obhuhëënë, na kobhaha obhuhöru bho miishe ghyose, kohetera kwo Mutëmi wiito Yesu Kirisito.

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Abhagharatiya 2:16

Amare itu ntweche kubha, omooto taaghotora kubharu kubha omuhëënë ambërë e Ryobha gho ghughööta emeghiro ghe Musa. Amare n‑gho komokumi Kirisito Yesu omwene chiri, niko ghoghughëri omooto abhe omuhëënë ambërë e Ryobha. Koru itu bhoose, ntomokumiri Kirisito Yesu kubha tubharu abhaato bha hëënë ambërë e Ryobha gho komokumi Kirisito, taanyi gho ghughööta emeghiro ghe Musa. M‑mahëënë kubha taanyi‑ho omooto uno aghotora kubharu kubha muhëënë ambërë e Ryobha gho ghughööta emeghiro ghe Musa.

Abhabhiribhi 3:6

Wiiki ꞉niiköngʼiri chwee ghuköra ghano ꞉niituuriri kubha nigho Eryobha resiighiri. Kiyo nikyo ꞉ghiinköriri nekabharëëtëra Abhakirisito anyaako. Kwo mangʼana gha hëënë ighoro e meghiro, eni nteere ni isörö ryoryose.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

Tiito 3:5

Retaaköriri hangʼu gho kubha amaköri ghiito ango n‑gha hëënë ꞉ghaare, amare n‑gho changori cheeche okwene. Ndetomusiri obhobhe bhwito, kuyo niko okwibhoru okuhë. Wiiki ndetoheere eriimanya eriihë gho nchëra e Körö Ahörëëru.

Abheebhuraaniya 6:18

Erabha Eryobha ndirahiiri na komuraghera, retaaghugharura naabha gho kubha iryo retaanyi ibhiihi. Iryo ꞉ndiiköriri ebheghiro bhibhere hangʼu, kuraheri na kuragha, kubha retuhë omukörö itu bhano tungʼösiire ghokooche, tubhe na amiitëngʼërö gho ghaare ghakuucha ambërë yiito.

Yakobho 3:2

Kwo bhuhëënë, itu bhoose ntohaataasi gho chanchëra haghare haghare. Aribha omooto wowoose ataaghutaasi gho ghosiikëra kooche, iwe n‑omooto uno anchakiine, iwe naghotora kowuhööchërëra omobhere waache woose.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

1 Yohana 3:4

Wowoose uno akwëndërëra ghuköra amasari, naghusari emeghiro ghe Ryobha, gho kubha ghuköra amasari, niko ghusari emeghiro.