Abhabhiribhi 3:6 - Eriiraghano Eriihë

⁶ Wiiki ꞉niiköngʼiri chwee ghuköra ghano ꞉niituuriri kubha nigho Eryobha resiighiri. Kiyo nikyo ꞉ghiinköriri nekabharëëtëra Abhakirisito anyaako. Kwo mangʼana gha hëënë ighoro e meghiro, eni nteere ni isörö ryoryose.

Abhabhiribhi 3:6 ပူးပေါင်းရင်းမြစ်များ

Mataayo 23:25

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha moghwiköri kubha m‑bhatööbhiyu moonyi ambërë e bhaato. Mokweghi bhoheene eghisënchö ne ekehoncho gho nche, amare motighiri kweghi bhino bheenyi‑mu, ebheghiro bhino mobhwine mo‑bhwibhi no obhohobhaaru.

Mataayo 5:20

Mbe, ˆnekabhabhoorera kubha, aribha moraanga ghuköra ghano Eryobha rekwënda ghokera Amabharisaayo na abheeghi bha meghiro, motaaghusöha kimu mo‑bhutëmi bho Mwishaaro.

Ruuka 1:6

Bhayo bhabhere mbaare bhahëënë ambërë e Mutëmi Waryobha, na mbaare bharasooka emeghiro gheeche ghyose, na bhataaghitaasiri.

Amaköri gha Bhatomu 21:20

Hano bhooghwire ghayo, bhakareghongi Eryobha, bhakamobhoorera Bhawuro bhakabhugha, “Oo mohiiri wiito, ˆokarighi kinya ebheku ne ebheku bhe Bhayahuuti bhamokumiri Yesu. Bhano bhoose mbaghwiköngʼi chwee ghughööta emeghiro.

Amaköri gha Bhatomu 22:5

Ghayo ˆnekabhabhoorera inyu, koru Omuchaama Omokoro haghirohamu na abhakoro bhaghëndi bhaache bhoose mbaghwishererani nagho. Abhakoro bhayo nibho bhaheere anyaarubha e kobhahirera Abhayahuuti bhaghëndi bhiito bha mo‑moghya o Tamaasiko, gho ghiri nerahika iyo, nebhabhöhë Abhakirisito bha iyo, nebharëëtë hano Yerusareemu, bhateneru ekiina.

Amaköri gha Bhatomu 26:5

Ibho mbaamënyiri eni kwo meeka myaru, bharasiigha, mbaghotora konduuseri obhwibhateri kubha, nighöötiri chaasughara choose che Mabharisaayo. Kinya mweche Amabharisaayo bhayo nibho ꞉bhaare bhariiköngʼi ghughööta emeghiro ghe Ryobha ghokera chatiini chiito echende choose.

Amaköri gha Bhatomu 8:3

Sawuri aghasëëma kobhanyaaki abhaato bha mo‑kanisa. Akabha arasöha mo‑chaaka cheebho, arabhahoroki anche abhasubhe na abhakari, arabhahira mo‑chanyumba che bhabhöhu.

Abharuumi 7:9

Kwo riibhagha rino neere nekeere kumënya emeghiro, ꞉niimanyiri kinya bhuno nyëndiri. Amare hano nimënyiri emeghiro, amasari ghakabhöna changuru chwee moose yaane na ghakarëëta oroko.

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

1 Abhakorinto 15:9

Eni m‑mosuuhu ghokera abhatomu bhoose, nteekurëngʼaanera koru kobherekeru omotomu, gho kubha ꞉neebhanyaakiri abhakumi bha Ryobha.

Abhabhiribhi 2:15

Gho ghayo, mubhe abhaana bha Ryobha bhano bhaghörörökiri na bhataanyi ni isörö. Wiiki mubhe abhaato bhano bhataaghughambu kobhe ghateghate e bhaato bhi ibheere bhano bhiichwire amabhe no obhuröngö. Ghateghate e bhaato bhayo, inyu morighibhu kinya emirëngaari ghino ghe kurëngaari mo‑se.

Abhabhiribhi 3:9

wiiki nighöötane nawe kimu. Nteeghwitëngʼëra wiiki obhuhëënë bhuure bhokorwera gho ghutambana emeghiro, amare neghwitëngʼëra obhuhëënë bhuno bhookoru gho komokumi Kirisito. Obhuhëënë bhuyo, mbokuhaanu ne Eryobha mo‑bhaare bhamokumiri Kirisito.

1 Timotewo 1:13

꞉Naaköriri hangʼu, nangabha ekimbërë hayo ꞉neemotokiri, na neere mutarighanu ghokooche, wiiki ꞉neebhanyaakiri abhaato bhaache. Amare, iwe ꞉naandoochiire changori, gho kubha neere neraköra ghayo kwo bhuraghaanu bhoone na gho kwanga kubha no obhokumi.