Abhabhiribhi 3:5 - Eriiraghano Eriihë

⁵ Eni ꞉niisaaruru orosiko ro kanaane korwera hano niibhwiru, nekorwera mo‑ritöngö re Bhenchamiini, mo‑se e Isiraeri. Eni n‑Omwibhuraaniya o hëënë neenyi. Kwo mangʼana gha ghughööta emeghiro, eni neghighöötiri bhoheene, gho kubha neere Omubharisaayo.

Abhabhiribhi 3:5 ပူးပေါင်းရင်းမြစ်များ

Ruuka 1:59

Omoona uyo, hano ahikiri chaasiko inyaanye, bhakaacha komusaara. Bhakëënda komoroka Sakariya, eriina ri ishe.

Ruuka 2:21

Omoona uyo, hano ahikiri chaasiko inyaanye, bhakamusaara, bhakamoroka Yesu. Niryo eriina rino marayika wuure, are amorokiri, eriibhagha nyina are akeere ghughëgha anda.

Ruuka 5:38

Adivaayi ahë nekwëndëru ghotooru mo‑maghöchi amahë.

Amaköri gha Bhatomu 22:3

“Eni n‑Omuyahuuti neenyi, omwibhoru o moghya o Taaso mo‑mukööwa o Kirikiya, amare ꞉niireriiru hano Yerusareemu. Ghamariyeeri niwe anyeeghiri bhoheene emeghiro ghyose ghino tootighiiru na bhasookoro bhiito. Neere ndiköngʼi chwee kwo Waryobha, kinya na niinyu bhoose moghwiköngʼi reero.

Amaköri gha Bhatomu 23:6

Hano Bhawuro amënyiri kubha ghate yaabho mbaanyi‑mu Amasatukaayo, na Mabharisaayo, aghatiiri amaraka ghaache mo‑riibharacha riyo, akabhugha, “Inyu abhahiiri bhaane, eni n‑Omubharisaayo neenyi, omoona o Mubharisaayo! Ghano ghaghughëri neteneru ekiina ne emeghiro, n‑gho kubha neghwitëngʼëra kubha, abhaku mbakoryoka.”

Amaköri gha Bhatomu 6:1

Mo‑chaasiko chiyo ekirëngërë ke bhaghëndi bha Yesu ghëkëëngëra chwee. Ghate yaabho n‑Abhayahuuti bhano ꞉bhaare bharasiikëra eghighambo ghe Keyunaani na abhande bhano ꞉bhaasiikiire eghighambo ghe Kebhuraaniya. Ibheere bhano ꞉bhaare bharasiikëra Ekeyunaani bhaakabha bhariingʼunyerangʼunyera kubha, mo‑hööhi e bhiinyakurë bhe kira siko mbaare bharabheebhu abhasino bhaabho.

Abharuumi 11:1

Ibheere ˆnekabhoori kubha, Eryobha ndyangiri abhaato bhaache? Tiyaanyi! Eni omwene n‑Omwisiraeri neenyi, o mo‑rwibhoro ro Abhurahamu, koru mo‑ritöngö re Bhenchamiini.

2 Abhakorinto 11:22

Aribha ibho n‑Abheebhuraaniya, na neeni n‑Omwibhuraaniya neenyi. Aribha ibho n‑Abhiisiraeri, na neeni n‑Omwisiraeri neenyi. Aribha ibho m‑bha mo‑rwibhoro ro Abhurahamu, na neeni n‑o mo‑rwibhoro ro Abhurahamu neenyi.