Abhabhiribhi 3:16 - Eriiraghano Eriihë

¹⁶ Ibheere egheghiro eghekoro n‑kubha, ntokwëndëru ghoghatambana ghaare Eryobha rimariri ghotwërëki.

Abhabhiribhi 3:16 ပူးပေါင်းရင်းမြစ်များ

Abharuumi 12:16

Mwikare haghirohamu kwo mukörö umu. Motabha moriihacha, amare mwinyööhi, mubhe no obhughöötani na abhaato bha haase. Motiirighi kubha niinyu abheene moonyi na amangʼiini.

Abharuumi 15:5

Eryobha niryo reghotusakeri ghoghumereri na ghotughambisani. Ibheere, neghusabha kubha, rebhatoori mubhe no obhumu ghate yaanyu, gho kubha moghutambana eghetuubhaani ghe Kirisito Yesu.

Abhagharatiya 5:7

Ekimbërë, moore moraköra bhoheene! Ibheere n‑niwe abharëkiri motaghööta ameeghi gha bhuhëënë?

Abhagharatiya 6:16

Omurëmbë ne ebheghongi bhino bheekoru kwo Waryobha bhibhe na abhaato bhoose bhano bhakwënda obhuhëënë bhuyo, bhayo nibho abhaato bha Ryobha.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhabhiribhi 2:2

mbe, mohikeerani ghuchömëru koone, gho kubha no obhoghwani no obhosiighi inyu abheene kwi inyu bheene. Wiiki mubhe no obhumu mo‑metema gheenyu na mubhe na angʼana imu.

Abhabhiribhi 4:2

ˆNekabhasasaama chwee Ewotiya na Sintike bhabhe no obhoghwani gho kubha bhoose mbakomutambana Omutëmi Yesu.

Abhakorosaayi 2:6

Mbe, gho ghayo, kinya bhuure momwisheriiri Kirisito Yesu kubha Omutëmi, mwëndërërë kumanya gho ghughöötana nawe.

Abhakorosaayi 4:2

Mubhe morasabha chaasiko choose, mughanye na koriitabheri Eryobha.

Obhohunyurëru 3:3

Mohiite ghano mweghuru na ghano mooghwire, moghatambane bhoheene ghayo na motuukuune. Moraanga ghutënga, nekuucha kinya bhuure omwibhi ahaacha, koru motaakumënya eriibhagha rino nekuucha.