Abhabhiribhi 3:12 - Eriiraghano Eriihë

¹² Eni nteekobhugha nimariri kohika mo‑ntenero, hamu nimariri kubha mughöröröku, tiyaanyi, amare nekwëndërëra ghwiköngʼi nibhönë ghaare Kirisito Yesu amberekeriire.

Abhabhiribhi 3:12 ပူးပေါင်းရင်းမြစ်များ

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Amaköri gha Bhatomu 9:15

Omutëmi akamobhoorera akabhugha, “Nooghi! Omooto uyo, nemwahwire abhe omutamishi waane, kubha ariraghani eriina reene kwo bhaato bha matöngö, na kwo bhatëmi bhaabho, koru na kwo Bhayahuuti abheene.

Abharuumi 8:39

hamu ghyokyose kino keenyi Mwishaaro hamu nyaari hamu ebhetyenyi bhe changuru, bhetaaghotora ghotutaani no obhosiighi bho Ryobha bhuno bhoonyi bho miishe ghyose. Obhosiighi bhuyo mbohunywiru ghokwito gho kohetera Kirisito Yesu, Omutëmi wiito.

1 Abhakorinto 13:10

Amare hano rekuucha eriibhagha re mangʼana ghano ghahikeriine, ghano ghakeere kohikeerana ngaghosira.

1 Abhakorinto 13:12

Kinya bhuno tookorighi ibheere, ntokorighi ebheghiro kinya bhekundekiiru ne eghetu, amare toramara ntokobherighi bhyose haheero. Ibheere nyeeche hasuuhu hangʼu, amare nekumara nimënyë ghoose bhoheene, kinya bhuno Eryobha reenyeche eni.

1 Abhakorinto 9:24

Moteeche kubha abhaato bhano bhaghosirisinchana koyaara, bhoose mbakoyaara, amare uno akubhöna atuho n‑umu hangʼu? Ibheere mwiköngʼi koyaara, kubha mubhönë atuho.

2 Abhakorinto 13:9

Ntoghuchömëru hano tookubha abhatöbhu, amare inyu moonyi na changuru. Ntokorisabha Eryobha rebhatoori mubhe bhaghöröröku.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

Abhagharatiya 5:17

Nekobhabhoorera hangʼu, gho kubha bhyose bhino amiigha ghaanyu amabhe ghaghwighomba, bhetaanyi kinya bhuno Akörö Ahörëëru ekwënda, na bhuno ekwënda, taanyi kinya bhuno amiigha ghaanyu ghaghwighomba. Akörö Ahörëëru na amiigha amabhe bhetaaghukangatani haghirohamu, gho ghiri iyo motaaghotora ghuköra ghyokyose kino mokwënda.

Abhaebheeso 1:4

Hano Eryobha reere rekeere ghutëëma ase ino, ꞉ndeetwahwire tubhe abhaato bhaache gho ghughöötanibhu na Kirisito kubha, tubhe abhatööbhiyu na totaanyi ni isörö ambërë yaache. Kwo bhosiighi bhooche,

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Abhabhiribhi 3:16

Ibheere egheghiro eghekoro n‑kubha, ntokwëndëru ghoghatambana ghaare Eryobha rimariri ghotwërëki.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

1 Abhatesaronike 5:15

Mumööhi, omooto wowoose atamoreha omughëndi waache amabhe kwo mabhe. Amare eriibhagha ryose mubhe morakörërana amachömu inyu bheene na kobhakörëra abhande bhoose.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

1 Timotewo 6:19

Gho ghuköra hangʼu, mbaghwitoorera agharinga kinya obhoroso bhuköngʼu gho chaasiko chino chekuucha. Hangʼu nibhu bhakuucha ghosongʼaana obhuhöru bho hëënë.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Abheebhuraaniya 12:23

Inyu mohikiri mo‑riikanisa re bhiibhoru a bhambërë bha Ryobha, bhano amariina ghaabho ghaandëkuru Mwishaaro. Mohikiri ambërë e Ryobha rino reenyi omoteni o kiina o bhaato bhoose na ambërë e bhaato abhahöriicho bhano bhakuure bhano Eryobha rebhahikeriini.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

Yakobho 3:2

Kwo bhuhëënë, itu bhoose ntohaataasi gho chanchëra haghare haghare. Aribha omooto wowoose ataaghutaasi gho ghosiikëra kooche, iwe n‑omooto uno anchakiine, iwe naghotora kowuhööchërëra omobhere waache woose.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.