Abhabhiribhi 3:1 - Eriiraghano Eriihë

¹ Mbe, bhahiiri bhaane, muchömëru gho kubha n‑abhaato bha Mutëmi Yesu moonyi. Amangʼana ghano ꞉niimariri kobhaandëkëra, nteeghoshigha ghugharukera kobhaandëkëra, gho kubha ghayo n‑angubha yaanyu e bhokumi.

Abhabhiribhi 3:1 ပူးပေါင်းရင်းမြစ်များ

Mataayo 5:12

gho kubha hangʼu nibhu ꞉bhaare bharabhanyaaki abharööti bhano ꞉bhaare‑ho hayo ekimbërë. Muchömëru na ghuchaghana, gho kubha Eryobha ndebhatooriire atuho inkoro Mwishaaro.

Ruuka 1:47

na noghosiigherasiighera Waryobha, Omotoori waane,

Abharuumi 5:11

Mbe, ghokera ghayo ghoose, Eryobha ndetuköriri tuchömëru chwee, gho kubha n‑gho kohetera Omutëmi wiito Yesu Kirisito, tokoghwana ne Eryobha.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

Abhaebheeso 6:10

Mbe, nekwënda kobhugha kubha, mughöötiine no Omutëmi Yesu, gho ghayo, mubhe morabhöna changuru koru mo‑bhotoro bhooche obhokoro.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abhabhiribhi 4:4

Mbe, muchömëru chaasiko choose gho kubha inyu n‑abhaato bha Mutëmi Yesu moonyi! Wiiki nebhugha muchömëru!

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

1 Abhatesaronike 5:16

Mubhe morachömëru eriibhagha ryose,

Yakobho 1:2

Abhahiiri bhaane, muchömëru hano mookubha morabhöna amasaki haghare haghare,

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.

2 Bheetero 3:1

Abhasiighani bhaane, anyaarubha ino n‑e kabhere ino ˆnekabhaandëkëra. Mo‑chanyaarubha choose ibhere ꞉niiköngʼiri kobhooki amiihëëbhö ghaanyu amachömu, gho nchëra e kobhahiiti.