Abhabhiribhi 2:9 - Eriiraghano Eriihë

⁹ Gho ghayo, Eryobha rekamotiiri Yesu ighoro ghokera ebheghiro bhyose, rekamuha eriina ikoro ghokera amariina ghoose,

Abhabhiribhi 2:9 ပူးပေါင်းရင်းမြစ်များ

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

Yohana 17:11

Eni nteekubha wiiki mo‑se ino, amare ibheere ˆnekaacha ghokoocho. Amare ibho mbakwëndërëra kubha mo‑se ino. Oo Taata Omutööbhiyu, ˆneghaghusabha obhachonge kwo bhotoro bho riina reecho rino oheere, kubha bhabhe egheghiro kimu kinya bhuno itu toonyi.

Yohana 17:12

Eriibhagha nibheere haghirohamu nabho nebhachongiri kwo bhotoro bho riina reecho rino oheere. Nebhachongiri bhoheene kubha netamorumeeri koru umu mo‑bhaare, nanyinga wuure omorumeeri, kubha ghahikeerane ghano ghaandëkuru mo‑Mandëkö Amatööbhiyu.

Yohana 17:5

Oo Taata, neghusabha wërëki obhokumi bhoone obhokoro, obhokumi obhokoro bhuno neere nabho eriibhagha toonyi haghirohamu, eriibhagha ore okeere ghutëëma ase.

Amaköri gha Bhatomu 5:31

Rekamoghongi na komuha omweya gho komotoora eribhaara reeche re kwiro, abhe Omukangati no Omotoori. Eryobha ꞉ndiiköriri hangʼu kubha retukörë itu Abhiisiraeri totighe inkongʼorimu amasari ghiito, twabhëru.

Abhaebheeso 1:10

Amangʼana ghano ndeghoghahikeerani kwo riibhagha reeche, ndekobhetoora ebheghiro bhyose bhe Mwishaaro na bhe mo‑se mo‑bhukangati bho Kirisito.

Abhakorosaayi 1:18

Iwe niwe omutu o mobhere, niryo eriikanisa. Iwe n‑simoka e mangʼana ghoose, gho kubha niwe o mumbërë koryoka koru mo‑bhaku, kubha abhe no omweya o mumbërë, mo‑bheghiro bhyose.

2 Abhatesaronike 1:12

Ntoghusabha hangʼu kubha eriina re Mutëmi wiito Yesu ribhe reraghongibhu gho ghiri yaanyu. Wiiki na niinyu mubhe moraghongibhu gho ghiri yaache, kurëngʼaana na aghareeya e Ryobha riito, ne e Mutëmi Yesu Kirisito.

Abheebhuraaniya 1:4

Eryobha ndemuköriri Omoona waache abhe omokoro ghokera bhamarayika, kinya bhuure amoheere eriina ikoro ghokera riire re bhamarayika.

Abheebhuraaniya 1:9

Iye nohaasiigha ghaare ghaanyi amahöriicho, na kurëgha ghoose ghano ghaanyi amabhe. Gho ghayo Eryobha, Eryobha reecho, ndekuhakiri amaghuta ghano ghaghëriri ubhe no oghuchömëru, kubha aghukörë omokoro, ghokera abhaghëndi bhaacho bhoose.”

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 2:9

Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

2 Bheetero 1:17

Itu ntoore‑ho eriibhagha ahaabhuru asooko no obhokumi obhokoro koru o‑Taata Waryobha. Eriibhagha riyo, eriiraka rekaru kwo Waryobha uno anyi Obhokumi Obhokoro, rerabhugha, “Uno n‑Omoona waane omosiighani, uno neghuchömëru nawe.”

3 Yohana 1:7

Abhaato bhayo ꞉mbaasëëmiri orughëndö ro komuhökëri Yesu Kirisito, bhatahaabhuru obhotoorereri bhobhoose koru mo‑bhaato bhano bhataamokumiri Yesu.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 11:15

Akamara, marayika o mohungate aghatëma antaara yaache. Nekamara nekooghu eriiraka ikoro iyo Mwishaaro rerabhugha, “Obhukangati bho se mbughööturu no Omutëmi Waryobha wiito, na Kirisito waache uno amwahwire ghotoori abhaato. Iryo ndeghukangata emiishe ne emiishe.”

Obhohunyurëru 19:16

Omooto uyo naare ne eriina rino reere ryandëkiri mo‑ndachana yaache eribhaara re mwitango kubha, omukangati o bhakangati no omutëmi o bhatëmi.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.

Obhohunyurëru 5:12

Nekabhatëghëërëra bhareemba kwo riiraka, bharabhugha, “Omoona o Ngʼöndu uno asinchuru, nakurëngʼaanera ghosongʼaana obhotoro, no obhwame na amangʼiini. Changuru, na asooko, no obhokumi obhokoro, na aghongo m‑bhebheeche!”