Abhabhiribhi 2:14 - Eriiraghano Eriihë

¹⁴ Amangʼana ghoose ghano moghuköra, moghakörë motaanyi ne erihakaana koru kwirereeri.

Abhabhiribhi 2:14 ပူးပေါင်းရင်းမြစ်များ

Mataayo 20:11

Hano bhabhwine amareho ghayo, bhaghasëëma kwingʼunyerangʼunyera kwo mwene omoghondo bharabhugha,

Maariko 14:5

Amaghuta ghayo ngangatoriri ghoghoru ghokera chatinaari amaghana atato na kobhaha abhahabhe.” Bhaakabha bharamurëki chwee omukari uyo.

Maariko 9:14

Hano Yesu, na Bheetero, na Yohana na Yakobho bhahikiri mo‑bhaanabheegha abhande, bhakarighi erikinda ikoro re bhaato bhabhiinaariiri. Abheeghi bha meghiro abhamu mbaare bharashangʼaana nabho.

Ruuka 5:30

Eghaghëri Amabharisaayo na abheeghi bhaabho bha meghiro ghe Musa, bhakabhingʼunyerangʼunyera abhaanabheegha bha Yesu, bharabhugha, “Kana mokuraaghëra na kunyo haghirohamu na abhatöbhi bha righööti, na abhaköri bha masari?”

Amaköri gha Bhatomu 15:2

Amangʼana ghayo ghaghaghëri Bhawuro na Bharinaabha bhaghasëëma kuhakaana na abhaato bhayo chwee. Antenero, abhaato bha riikanisa re hayo Antiyokiya bhaghiishererani kubha, abhamu ghate yaabho bhaghi Yerusareemu haghirohamu na Bhawuro na Bharinaabha, gho ghiri e ghusabha amëërëkërëri kwo bhatomu bha Yesu na abhagharuka bha riikanisa ighoro e mangʼana ghayo.

Amaköri gha Bhatomu 15:39

Mbe, ghayo ghaghaghëri bhahakaane chwee, kerende bhaghataana. Bharinaabha akamwimoki Maariko, bhaaghaye haghirohamu mo‑bhwato mbagha bhakahika mo‑gheghinga ghe Kiibhuro.

Amaköri gha Bhatomu 15:7

Hano bhamariri eriibhagha irë bharahakaana, Bheetero akiimeerera, akabhabhoorera akabhugha, “Bhahiiri bhaane, mweche kubha hayo ekimbërë Eryobha ꞉ndeenyahwire ghate yaanyu, kobharaghaneri bhaato bha matöngö, kubha bhayooghu Angʼana Anchömu na koyekumi.

Amaköri gha Bhatomu 6:1

Mo‑chaasiko chiyo ekirëngërë ke bhaghëndi bha Yesu ghëkëëngëra chwee. Ghate yaabho n‑Abhayahuuti bhano ꞉bhaare bharasiikëra eghighambo ghe Keyunaani na abhande bhano ꞉bhaasiikiire eghighambo ghe Kebhuraaniya. Ibheere bhano ꞉bhaare bharasiikëra Ekeyunaani bhaakabha bhariingʼunyerangʼunyera kubha, mo‑hööhi e bhiinyakurë bhe kira siko mbaare bharabheebhu abhasino bhaabho.

Abharuumi 12:18

Kwo ribhaara reenyu, mwiköngʼi ghuköra ghyokyose kino inyu moghotora, mubhe no omurëmbë na abhaato bhoose.

Abharuumi 14:1

Momughënëhi omokumi mughëndi waanyu uno ataamara aköngʼëri mo‑bhokumi bhooche. Motahakaana nawe ighoro e miihëëbhö ghaache gharaanga koghwana na ghaghaanyu.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

1 Abhakorinto 10:10

Wiiki motiingʼunyerangʼunyera kinya bhuno abhande ghate yaabho ꞉bhaaköriri, bhaghiitu na marayika omosireekereri.

2 Abhakorinto 12:20

Ibheere neghotiina kubha, eriibhagha rino nekuucha bhowaanyu, nekobhabhöna moonyi na atëëmö ino etaaghunchömëri eni. Riyo ndeghughëri nikörë ghano ghataakobhachömëri inyu. Neghotiina kubha neghotora kobhabhöna moonyi ne eriireghe, no obhusööhu, no oghukarara, no obhunyawumu, no obhori bho bhaato, na kwibhora amangʼana, no obhwihachi na amahë.

Abhagharatiya 5:15

Amare aribha mokoromana na kwiyire kinya chatyenyi, mwikabhaahe kubha motaacha ghwisireekereri.

Abhagharatiya 5:26

Totiihacha bhoowa, totanaahana koru korigherani eriihari.

Abhabhiribhi 2:3

Motaköra angʼana yoyoose gho körö e kuhakaana koru gho kwihacha. Amare mubhe no obhunyööhu na kobhabhara abhande kubha ngʼoni ghokera inyu bheene.

1 Abhatesaronike 5:13

Mobhasooke chwee na kobhasiigha kurëngʼaana ne emeremo gheebho. Wiiki mubhe no omurëmbë ghate yaanyu.

1 Abhatesaronike 5:15

Mumööhi, omooto wowoose atamoreha omughëndi waache amabhe kwo mabhe. Amare eriibhagha ryose mubhe morakörërana amachömu inyu bheene na kobhakörëra abhande bhoose.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Yakobho 1:20

gho kubha, hano omooto aghukarara, taaghuköra ghano ghakwëndëru ambërë e Ryobha.

Yakobho 3:14

Amare aribha moonyi ne eriihari rino risangeriine obhororo no obhunyawumu mo‑chaakörö cheenyu, motiihacha kubha moonyi na amangʼiini, ino morasiikëra obhuröngö mo‑bhuhëënë.

Yakobho 5:9

Abhahiiri bhaane, motirereereri inyu bheene kwo bheene motaacha ghoteneru ekiina. Mumööhi! Omoteni o kiina haghuhe anyi kuucha.

1 Bheetero 3:11

Na atighe ghuköra amabhe, akörë amachömu. Nekwëndëru atabhare omurëmbë na kowutambana chwee,

1 Bheetero 4:9

Mubhe abhaato bha ghwighënëhi inyu bheene kwo bheene ino motakwingʼunyerangʼunyera.

Yuuta 1:16

Abhaato bhayo mbahiingʼunyerangʼunyera na kwirereeri, bharatambana amiigha ghaabho amabhe. Mbiihachi chwee, na mbahaasiikëra amangʼana gha ghuchömëri abhaato gho ghiri e kwibhönëra obhwëra.