Abhabhiribhi 2:11 - Eriiraghano Eriihë

¹¹ Wiiki omooto woose ishereri kubha, yesu kirisito n‑omutëmi, kwo bhokumi obhokoro, bho Waryobha Taata wiito.

Abhabhiribhi 2:11 ပူးပေါင်းရင်းမြစ်များ

Mataayo 10:32

Mbe, omooto wowoose uno akonyishereri ambërë e bhaato, na neeni nekomwishereri ambërë e Taata waane uno anyi Mwishaaro.

Ruuka 2:11

Reero ino mo‑moghya o Tawuti, Omotoori waanyu niibhwiru. Omotoori uyo niwe Kirisito Omutëmi.

Yohana 12:42

Koru hangʼu, abhakangati bhaaru bha Bhayahuuti ꞉mbaamokumiri Yesu, amare gho ghiri e Mabharisaayo, bhataamokumiri haheero, bhaghatiina kuhëëbhu mo‑risinaghooghi.

Yohana 13:13

Inyu mokomberekera eni kubha, ‘Omweghi,’ wiiki mokomberekera, ‘Omutëmi.’ Moghosiikëra gha hëënë, kubha eni n‑Omweghi, wiiki n‑Omutëmi, gho kubha hangʼu neenyi.

Yohana 13:14

Mbe, aribha eni uno neenyi Omweghi no Omutëmi waanyu, nebhishaabhiri amaghoro ghaanyu, hangʼu hangʼu na niinyu mubhe morishaabhani amaghoro.

Yohana 14:13

Aribha morasabha egheghiro ghyokyose kwo riina reene, eni neghuköra kebhuno moghusabha. Gho nchëra iyo, nekwërëki obhokumi obhokoro bho Taata kebhuno bhoonyi gho kohetera eni, Omoona.

Yohana 14:23

Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.

Yohana 17:1

Hano Yesu amariri ghosiikëra ghayo ghoose, aghagharaamereri Mwishaaro, aghasabha akabhugha, “Oo Taata, eriibhagha reene ˆrekahika. Obhëërëki abhaato obhokumi bhoone obhokoro, eni Omoona waacho, kubha na neeni nëbhëërëki obhokumi bhoocho obhokoro kebhuno bhoonyi.

Yohana 20:28

Tomaso akamugharokeri akabhugha, “Omutëmi waane ne Eryobha reene!”

Yohana 5:23

Gho nchëra iyo, abhaato bhoose mbakomosooka Omoona kinya bhuno bhakomosooka Taata. Omooto wowoose uno ataakomosooka Omoona, mbe, taakomosooka Taata uno amotomiri.

Yohana 9:22

Abhiibhori bhaache ꞉mbaabhughiri hangʼu gho kubha mbaare bharatiina abhakangati bhaare, gho kubha abhakangati ꞉mbiishereriini kubha, omooto wowoose uno aghwishereri kubha Yesu n‑Kirisito, mbakomuhëëbha mo‑risinaghooghi.

Amaköri gha Bhatomu 10:36

Iwe ꞉naatomiri amangʼana ghaache kwo Abhiisiraeri arabharaghaneri Angʼana Anchömu e murëmbë gho nchëra e Yesu Kirisito. Yesu uyo niwe Omutëmi o bhaato bhoose.

Amaköri gha Bhatomu 2:36

Bheetero akamareereri gho kobhugha, “Gho ghayo, inyu na Abhiisiraeri bhoose mokwëndëru mumënyë obhuhëënë kubha, Eryobha ꞉ndeemuköriri Yesu, uno inyu ꞉moomumambiri mo‑musarabha, kubha Omutëmi na Kirisito.”

Abharuumi 14:11

N‑kinya Amandëkö Amatööbhiyu ghakobhugha kubha, “Omutëmi Waryobha abhugha, ˆNekaraheri, omooto woose nakobhuna ebheru ambërë yaane, no omooto woose naghongongi kwo roreme rooche.”

Abharuumi 14:9

Kirisito ꞉naakuure na koryoka, kubha abhe Omutëmi o bhaato bhoose, abhaku na bhano bhaanyi abhahöru.

Abharuumi 15:9

Wiiki ꞉niichiri kubha abhaato bha matöngö bhareghongi Eryobha gho changori cheeche. N‑kinya bhuno Amandëkö Amatööbhiyu ghakobhugha kubha, “Mbe, neghoghoghongi ghate e bhaato bha matöngö, neghokwembera emyembo ghe ghoghoghongi iye.”

1 Abhakorinto 12:3

Mbe, ˆnekabhabhoorera kubha omooto wowoose uno aghukangatu na Akörö e Ryobha taaghotora kobhugha kubha, “Yesu ihiimu.” Wiiki taaghotora kobhugha kubha, “Yesu n‑Omutëmi,” aribha atakangaturu na Akörö Ahörëëru.

1 Abhakorinto 15:47

Omooto o mumbërë, Ataamu, naare o mo‑se, natëëmuru koru mwiröbhë. Omooto o kabhere, n‑Kirisito, uno aruure Mwishaaro.

1 Abhakorinto 8:6

Amare ghokwito, ndeenyi‑ho Eryobha rimu hangʼu, niryo Taata, niryo ꞉riitëëmiri ebheghiro bhyose, itu ntokumanya gho ghiri yaache. Wiiki naanyi‑ho Omutëmi umu hangʼu, niwe Yesu Kirisito, ne ebheghiro bhyose ꞉mbiitëëmuru gho kohetera ghokooche, wiiki itu ntoonyi abhahöru kurëngʼaana nawe.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Yohana 4:15

Omooto wowoose uno aghokumi na aghwishereri kubha Yesu n‑Omoona o Ryobha, Eryobha ndeenyi no obhumu nawe, woose naanyi no obhumu ne Eryobha.

1 Yohana 4:2

Anchëra e kumënya kubha omooto uno naghukangatu na Akörö e Ryobha niyo ino, wowoose uno aghokumi kubha Yesu Kirisito ꞉niichiri mo‑se akabha no omobhere kinya omooto, uyo niwe aghukangatu na Akörö e Ryobha.

2 Yohana 1:7

Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.

Obhohunyurëru 3:5

Omooto wowoose uno aghokinda amasaki, nekomobheeki changibho echeero kinya bhayo. Nteekoruusi naabha eriina reeche mo‑Ghitabhu ke Bhuhöru. Amare neghosiikëra haheero ambërë e Taata na bhamarayika bhaache kubha uno n‑o waane.