Abhabhiribhi 2:1 - Eriiraghano Eriihë

¹ Mbe, erabha motooruru omukörö kubha inyu na abhaato bha Kirisito moonyi, erabha wiiki moghughambisanu no obhosiighi bhooche, wiiki erabha moonyi no obhughöötani na Akörö Ahörëëru, ne erabha wiiki mosiighiru na korigheru changori na Kirisito,

Abhabhiribhi 2:1 ပူးပေါင်းရင်းမြစ်များ

Ruuka 2:25

Hayo Yerusareemu, naare‑ho omooto umu, eriina reeche Simiyooni. Simiyooni uyo naare muhëënë ambërë e Ryobha araresooka, ino araghanya korighi ghotooribhu kwo Abhiisiraeri. Akörö Ahörëëru neere haghirohamu nawe.

Yohana 14:18

“Nteekobhatigha inyu bheene kinya abhaana abhahabhe, amare neghugharuka wiiki ghokoonyu.

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Yohana 17:13

“Oo Taata, ibheere ˆnekaacha ghokoocho. Eni nekobhabhoorera abhaanabheegha bhaane ghoose ghano eriibhagha nekeere neenyi mo‑se ino, kubha ghuchömëru koone koose kubhe mo‑metema gheebho.

Amaköri gha Bhatomu 2:46

Chaasiko choose mbaare bharatëmëërana haghirohamu Mwisëngërö. Mbaare bharasuura omughaate mo‑chanyumba cheebho, na kurë haghirohamu gho ghuchömëru na gho ghusambaaruka.

Amaköri gha Bhatomu 4:32

Abhakumi bhayo bhoose mbaare bhaghöötiine korwera mo‑metema na mo‑miihëëbhö ghaabho. Taanyi‑ho mooto uno ꞉ighombiire ebheghiro bheeche kubha m‑bhebheeche omwene, amare ꞉mbaaghöötiini ebheghiro bheebho bhyose.

Abharuumi 5:5

Amiitëngʼërö ghayo ghataaghotora ghotosooki, gho kubha Eryobha ndehomiri obhosiighi bhooche mo‑metema ghiito, kohetera Akörö yaacheAhörëëru.

Abharuumi 8:26

Haghirohamu na ghayo, Akörö Ahörëëru niyo eghotusakeri mo‑bhutöbhu bhwito. Itu toteeche korisabha Eryobha kebhuno ekwëndëru, amare Akörö Ahörëëru ayeene niyo eghotusabhera kwo Ryobha kwo riiraka re macheeche ghano ghataaghotora ghughambu.

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

1 Abhakorinto 15:31

Abhahiiri bhaane, chaasiko choose eni neenyi mo‑bhobhe bho roko. Na rino n‑de hëënë, kinya bhuno nekwihacha gho ghiri yaanyu gho kubha mughöötiine na Kirisito Yesu Omutëmi wiito.

1 Abhakorinto 3:16

Kana, moteeche kubha inyu n‑Erisëngërö re Ryobha moonyi, na kubha Akörö e Ryobha neghwikara moose yaanyu?

2 Abhakorinto 2:14

Amare ntokoriitabheri Eryobha gho kubha ndeghotukangata eriibhagha ryose mo‑murööbhö o ghuchaghanera obhokindi bho Kirisito ighoro e bhabhisa bhaache. Wiiki Eryobha ndeghotuköra itu ghusanchi obhumënyi bho ngʼana ighoro e Kirisito chambaara choose, nibheere kinya bhuno ekeneeso eghichömu kehaasancha ahaghiro hoose.

Abhagharatiya 4:6

Eryobha ꞉ndeetomiri Akörö e Moona waache mo‑metema ghiito, gho kubha itu ntoonyi abhaana bha Ryobha. Akörö iyo niyo eghotuköra torebherekere Eryobha “Abha,” egheteemoro keeche “Taata.”

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhaebheeso 4:4

Itu bhoose ntoonyi kinya omobhere umu na ꞉ntoobhwine Akörö Ahörëëru imu, kinya bhuno eriitëngʼërö rino mobherekiiru ne Eryobha reenyi rimu.

Abhabhiribhi 1:8

Eryobha ndyeche kubha neghosiikëra obhuhëënë hano neghokumereri kubha neghwighomba korighani na niinyu wiiki. Nebhasiighiri inyu kwo bhosiighi bhuure bhuure kinya Kirisito Yesu abhasiighiri inyu.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

Abheebhuraaniya 6:18

Erabha Eryobha ndirahiiri na komuraghera, retaaghugharura naabha gho kubha iryo retaanyi ibhiihi. Iryo ꞉ndiiköriri ebheghiro bhibhere hangʼu, kuraheri na kuragha, kubha retuhë omukörö itu bhano tungʼösiire ghokooche, tubhe na amiitëngʼërö gho ghaare ghakuucha ambërë yiito.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 4:16

Ibheere, itu ntweche na ghokumi kubha Eryobha ndetosiighiri. Eryobha n‑obhosiighi. Wowoose uno anyi no obhosiighi, niwe anyi no obhumu ne Eryobha, Eryobha ryose ndeenyi no obhumu nawe.