Abhabhiribhi 1:7 - Eriiraghano Eriihë

⁷ N‑kumangi niituuri hangʼu ighoro yaanyu, gho kubha moonyi mo‑motema waane. Musangiri aghareeya e Ryobha haghirohamu na neeni, erabha nibhöhuru hamu erabha nekwibhateri na koyihëënëhi Angʼana Anchömu.

Abhabhiribhi 1:7 ပူးပေါင်းရင်းမြစ်များ

Amaköri gha Bhatomu 20:23

Kino nyeeche n‑kubha, mo‑moghya wowoose uno neekubha nerahetera, Akörö Ahörëëru nëkönyëërëki kubha nekubhöna ebhibhöhö, wiiki neekubha neranyaakibhu chwee.

Amaköri gha Bhatomu 21:33

Omontomonkoro uyo o bhaashirikare aghiishuka, akamughööta Bhawuro, akahatëka kubha abhöhu eminyörörö ebhere. Akamara akabhoori, “Uno n‑niwe? Wiiki neke asariri?”

1 Abhakorinto 13:7

Obhosiighi mbokomuköra abhe moghumereri mo‑ghoose, abhe no obhokumi eriibhagha ryose, abhe na amiitëngʼërö eriibhagha ryose, wiiki abhe araghumereri mo‑ghoose.

1 Abhakorinto 9:23

Neghuköra ghayo ghoose gho ghiri e Ngʼana Anchömu kubha nisange na abhande mo‑rubhango rooche.

2 Abhakorinto 3:2

Inyu niinyu anyaarubha yiito, ino yandëkuru mo‑metema ghiito. Abhaato bhoose mbaghotora koyisöma na koyimënya.

2 Abhakorinto 7:3

Nteeghosiikëra amangʼana ghano, kubha nebhatenere ekiina, gho kubha, kinya bhuno ꞉niimariri ghosiikëra kubha, inyu moonyi mo‑metema ghiito, koru ntoonyi haghirohamu na niinyu ibhe mo‑bhuhöru, hamu oroko.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abhaebheeso 3:1

Kurëngʼaana na amangʼana ghayo, eni Bhawuro nekobhasabhera. Eni nibhöhuru gho ghiri emeremo ghino Kirisito Yesu aheere nebharaghaneri inyu abhaato bha matöngö.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abhaebheeso 6:20

Eni n‑omuraghani o Ngʼana Anchömu ighoro e Yesu Kirisito, na iyo niyo ighëriri nibhe mo‑kibhöhö. Mbe, munsabhere kubha netore kuraghani kwo bhosubhesubhe kinya bhuno nekwëndëru.

Abhabhiribhi 1:12

Mbe, bhahiiri bhaane, nekwënda mumënyë bhoheene kubha ghoose ghano ghambwine, ngantooriri chwee kuraghani Angʼana Anchömu.

Abhabhiribhi 1:13

Abhachongi bhoose bha nyumba e ghitëmi, haghirohamu na abhande bhoose bhano bhaanyi hano, mbeeche kubha nibhöhuru gho kubha nekomuhökëri Kirisito.

Abhabhiribhi 1:14

Haghirohamu na ghayo, nyeeche kubha okubhöhu koone ino, nkobhaköriri abhakumi bhaghëndi bhiito bhaaru bhaköngʼi chaakörö kwo Mutëmi Yesu, koru mbakobharaghaneri abhaato angʼana e Kirisito kwo bhosubhesubhe, koru bhataanyi na ahaho.

Abhabhiribhi 1:5

gho kubha inyu mughöötiine na neeni gho kuraghani Angʼana Anchömu korwera orosiko runo ꞉mooghwire na koyekumi mbagha reero ino.

Abhabhiribhi 2:22

Amare mweche kinya Timotewo ꞉iyëërëkiini kubha m‑mooto muchömu. Nahökiri na neeni mo‑meremo ghe kuraghani Angʼana Anchömu, kinya omoona ni ishe.

Abhabhiribhi 4:14

Koru hangʼu, muköriri bhoheene ghusanga na neeni mo‑nyaako ino neere nayo.

Abhabhiribhi 4:15

Kinya mweche inyu Abhabhiribhi, hayo ekimbërë hano niisëëmiri kobharaghaneri inyu Angʼana Anchömu, na hano neruure mo‑mukööwa waanyu o Maketoniya, inyu bheene nibho moore morantoori. Eriikanisa reenyu niryo reere no obhughöötani na neeni mo‑koruusi na kumbönëra ebheghiro.

Abhabhiribhi 4:3

Koru iye uno onyi omutamishi omughëndi waane omuhëënë, neghusabha obhasakeri abhakari bhayo bhabhere bhabhe no obhoghwani. Bhayo bhoose bhabhere ꞉mbiiköngʼiri chwee haghirohamu na neeni kuraghani Angʼana Anchömu e Yesu Kirisito mo‑bhaato. Wiiki abhakari bhayo mbaare bharaköra emeremo haghirohamu na Kireementi na abhahöki bhaghëndi bhaane abhande. Amariina gha bhaato bhayo bhoose ngaandëkuru mo‑Ghitabhu ke Bhuhöru.

Abhakorosaayi 4:18

Eni Bhawuro nabhaandëkiire amakëërani ghano gho kubhökö koone eni mwene. Mohiite kubha nibhöhuru mwighërëcha. Aghareeya e Ryobha ibhe haghirohamu na niinyu.

Abhakorosaayi 4:3

Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.

1 Abhatesaronike 5:5

Inyu bhoose n‑abhaato bha bhwero moonyi, wiiki abhaana bha mwishe. Itu bhoose totaanyi bha bhotiko hamu bha mo‑kengʼuuri.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

2 Timotewo 2:9

Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.

Bhiremooni 1:13

Wiiki, nengasiighiri ikare na neeni, kubha abhönë omweya o ghunsakeri imeerere mo‑mweya waacho, eriibhagha neenyi mo‑riighërëcha gho ghiri e Ngʼana Anchömu.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

2 Bheetero 1:13

Nerooche kubha, n‑kumangi nibhe nerabhahiiti ighoro e amangʼana ghayo, eriibhagha ryose rino nekumanya mo‑se.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.