Abhabhiribhi 1:6 - Eriiraghano Eriihë

⁶ Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

Abhabhiribhi 1:6 ပူးပေါင်းရင်းမြစ်များ

Yohana 6:29

Yesu akabhagharokeri akabhugha, “Emeremo ghino Eryobha rekwënda mukörë nighyo ghino, ghonkumi eni, uno netomuru naryo.”

Amaköri gha Bhatomu 11:18

Hano Abhayahuuti bhayo bhooghwire ghayo, bhataare na re ghugharokeri. Bhakaritöghösi Eryobha bhakabhugha, “Kana, Eryobha ndebhaheere abhaato bha matöngö aghande omweya o ghotuukuunera amasari ghaabho, kubha bhabhönë obhuhöru bho miishe ghyose!”

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

2 Abhakorinto 1:15

Eni neere no obhuhëënë bho mangʼana ghayo, na nikyo neere nërëënda kuucha bhowaanyu hayo ekimbërë, kubha mubhönë orubhango ro ghutaareru na neeni mara kabhere.

2 Abhakorinto 2:3

Kiyo nikyo ꞉ghiighëriri nekaandëka mo‑nyaarubha yiire kubha nteekuucha bhowaanyu, motaacha ghunkörëra amacheeche, inyu niinyu mokwëndëru ghunköra eni nichömëru. Neenyi no obhuhëënë kubha eni nerachömëru, na niinyu bhoose moghuchömëru.

2 Abhakorinto 7:16

Neghuchömëru chwee gho ghiri yaanyu, gho kubha ibheere neghotora kobhiitëngʼëra inkongʼorimu.

2 Abhakorinto 9:4

Aribha neraacha iyo haghirohamu na Abhamaketoniya na kubhöna motaamara mwisëëmi, hayo mookubha motuköriire chaasoni ighoro e miitëngʼërö ghiito ghokoonyu. Wiiki na niinyu mookubha na chaasoni chino chetaaghughambu.

Abhagharatiya 5:10

Nyeeche kubha inyu mughöötiine no Omutëmi Yesu, gho ghayo, neghwitëngʼëra kubha, motaaghwishereri kongʼiinu. Amare omooto wowoose uno akobhangʼiina, koru nangabha we, nakuröönu.

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Abhabhiribhi 1:10

kubha mubhönë ghoghiishereri ghaare ghaanyi gha hëënë. Hayo niho mookubha bheero, na motaanyi ni isörö mbagha orosiko ruure Kirisito aghugharuka.

Abhabhiribhi 1:29

Motahaabhuru komokumi Kirisito okwene, amare muhaabhuru koru kunyaakibhu gho ghiri yaache.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

Abhabhiribhi 2:13

Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

Abhabhiribhi 2:16

Wiiki mobharaghaneri abhaato bhakumi Angʼana e Kirisito ino ekobhaha obhuhöru bho miishe ghyose. Mukörë hangʼu kubha nibhönë ghe kwihachera mo‑rosiko ruure Kirisito aghugharuka gho kubha emeremo ghino ꞉niiköngʼiri ghuköra ghateghate yaanyu ghetaare ghe bhoowa.

Abhakorosaayi 2:12

Hano mubhatiisuru, atëëmö e kare ꞉neekuure ekaryeku haghirohamu na Kirisito, wiiki atëëmö ahë, ekaryoka haghirohamu nawe, gho kubha mokumiri changuru che Ryobha rino remoryokiri koru mo‑bhaku.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

2 Abhatesaronike 1:11

Gho ghayo, ntokobhasabhera chaasiko choose. Ntoghusabha Eryobha riito rebhabhare kubha murëngʼaanere ghwikara kinya bhuure ꞉reebhabherekiire. Wiiki ntokorisabha kubha, kwo bhotoro bhooche rehikeerani amangʼana machömu ghano mokwënda ghuköra na rehikeerani emeremo gheenyu ghyose ghe bhokumi.

2 Abhatesaronike 3:4

Nawe Omutëmi natoheere amiitëngʼërö makoro ighoro yaanyu, kubha moghuköra na mokwëndërëra ghoghaköra ghano tokobharaghereri.

Bhiremooni 1:21

Nekwandëka ghano, gho kubha nyeeche kubha noghoghiishereri, wiiki noghuköra ghokera ghano nisabhiri.

Abheebhuraaniya 10:35

Gho ghayo, mwëndërërë kubha no obhosubhesubhe bhuyo, gho nchëra iyo moghosongʼaana atuho inkoro chwee koru kwo Waryobha.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

2 Bheetero 3:10

Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.