Abhabhiribhi 1:18 - Eriiraghano Eriihë

¹⁸ Amare neke eghusakeri? Angʼana e Kirisito nekuraghanibhu, ibhe kwo mukörö mobhe hamu kwo mukörö muchömu. Na neeni gho ghiri e ngʼana iyo neghuchömëru. Wiiki nekwëndërëra ghuchömëru,

Abhabhiribhi 1:18 ပူးပေါင်းရင်းမြစ်များ

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Maariko 12:40

Mbakobhahöka abhasino chanyumba cheebho. Wiiki, mbaghwiköri n‑abhaato bhaghöröröku gho ghusabha amasabhi marë ambërë e bhaato. Abhaato bhanga bhayo, Eryobha ndekobhatenera ekiina ghokera abhande.”

Ruuka 9:45

Amare, ghayo Yesu ꞉abhabhooriire, bhataaghamënyiri, gho kubha angʼana iyo neere ekeere ebhisuru ghokoobho, bhataayimënya. Bhaghatiina komobhoori ighoro e ngʼana iyo.

Ruuka 9:50

Yesu akamugharokeri akabhugha, “Motamurëki wiiki! Omooto uno ataakobhaanga, uyo mughëndi waanyu.”

Abharuumi 3:9

Mbe, tobhughe bhu? Tobhughe kubha itu Abhayahuuti ntoonyi no obhwëra ghokera abhaato bha matöngö aghande? Tiyaanyi! Kinya bhuno nimariri kwërëki, Abhayahuuti na abhaato bha matöngö, bhoose mbaghotooru haase e bhukangati bho masari.

Abharuumi 6:15

Ibheere tobhughe bhu? Tobhughe kubha twëndërërë ghuköra amasari, gho kubha totaaghukangatu na changuru che meghiro, na gho kubha Eryobha ndetoheere aghareeya yaache? Naabha!

1 Abhakorinto 10:19

Ibheere, neke nekwënda ghosiikëra? Ebhiinyakurë bhino bheruusiibhu kuhëërana chasanaamu mbeenyi no obhwëra bhobhoose? Hamu asanaamu yoose n‑egheghiro?

1 Abhakorinto 14:15

Ibheere nekwëndëru ghuköra ke? Neghusabha mo‑körö gho ghighambo ekende, wiiki neghusabha kwo bhongo, nekwemba mo‑körö gho ghighambo ekende, wiiki nekwemba kwo bhongo.

1 Abhakorinto 15:11

Mbe, nibhe eni, hamu bhabhe abhatomu abhande, ntokuraghani angʼana yiire yiire, wiiki niyo moghokumi.

Abhabhiribhi 1:19

gho kubha nyeeche kubha mo‑ghoose ghano ghambwine, neghotooribhu, gho kubha moghunsabhera kwo Waryobha, wiiki Akörö Ahörëëru koru kwo Yesu Kirisito neghontoori.