Abhabhiribhi 1:10 - Eriiraghano Eriihë

¹⁰ kubha mubhönë ghoghiishereri ghaare ghaanyi gha hëënë. Hayo niho mookubha bheero, na motaanyi ni isörö mbagha orosiko ruure Kirisito aghugharuka.

Abhabhiribhi 1:10 ပူးပေါင်းရင်းမြစ်များ

Mataayo 16:23

Amare Yesu akamwishororeri Bheetero, akamobhoorera akabhugha, “Nooru ambërë yaane ugharuke anyuma, iye Erishambu! Noghusaki kundëki ghuköra amënda gha Ryobha! Nokwihëëbha ghano ghataanyi gha Ryobha, amare n‑gha bhaato okwihëëbha.”

Mataayo 26:33

Akamara Bheetero akamobhoorera Yesu akabhugha, “Koru erabha abhaghëndi bhaane bhoose bhaghoghotigha, eni nteeghoghotigha naabha!”

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

Yohana 3:20

Abhaato bhoose bhano bhaghuköra amabhe mbahaarëgha obhwero bhuyo. Koru bhataaghutambana obhwero, kubha amabhe ghaabho ghataacha korighibhu haheero.

Amaköri gha Bhatomu 24:16

Gho ghayo, neghwiköngʼi chwee kubha no omotema omuchömu, etabha‑ho ngʼana ino eghunkörëra chaasoni ambërë e Ryobha.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

Abharuumi 2:18

Nokwirighi kubha weeche amangʼana ghano Eryobha resiighiri ukörë, na notoriri kumënya ghano ghaanyi gha hëënë, gho kubha weghuru emeghiro gheeche.

Abharuumi 7:16

Aribha neghuköra amangʼana ghano ntaakwënda ghuköra, iyo nekwërëki kubha niisheriiri kubha emeghiro m‑michömu.

Abharuumi 7:22

Emeghiro ghe Ryobha, neghesiighiri kwo motema waane woose.

Abharuumi 8:7

Abhaato bhano bhaghukangatu na simoka yaabho e masari, bhayo n‑abhabhisa bha Ryobha. Bhataaghughööta emeghiro gheeche, bhataaghotora ghoghighööta.

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

1 Abhakorinto 8:13

Gho ghayo, aribha ekiinyakurë kino neekurë, ngeghughëri omokumi omughëndi waane akörë amasari, nteekurë koru hasuuhu ekiinyakurë kenga kiyo, kubha netaacha ghuköra omokumi omughëndi waane akörë amasari.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 6:3

Totamuköriire omooto wowoose angʼana ino eghotora komuköra atukararere, kubha obhutamishi bhwito bhotaacha ghughambu kobhe.

2 Abhakorinto 8:8

Nteeghosiikëra ghano gho ghiri e kobhahatëka, amare nekwënda korighi aribha obhosiighi bhoonyu m‑bho hëënë. Neghuköra hangʼu gho nchëra e köbhëërëki kinya bhuno abhande bhaghwiköngʼi ghusakeri.

Abhagharatiya 5:11

Abhahiiri bhaane, abhaato abhande mbakobhugha kubha, eni nekuraghani kubha, abhasubhe bhoose mbakwëndëru bhasaaru. Aribha mahëënë kubha nekuraghani hangʼu, ngwake ibheere Abhayahuuti bhakunyaaki? Aribha nengabheere neraraghani hangʼu, kuraghani koone ighoro e roko ro Yesu Kirisito mo‑musarabha, ghotangaghëriri Abhayahuuti bhandeghe.

Abhaebheeso 4:15

Amare torabhoorerana obhuhëënë kwo bhosiighi, ntoghuköngʼa mo‑mangʼana ghoose na kohikera kubha kinya Kirisito, uno anyi omutu o riikanisa.

Abhaebheeso 5:10

Mwiköngʼi kumanya na ghuköra amangʼana ghano ghakomotegheri Omutëmi.

Abhaebheeso 5:27

꞉Nëëndiri ibhönërë eriikanisa eritööbhiyu, rino retaanyi ne eriisari koru obhoghonchu bhobhoose.

Abhaebheeso 6:24

Aghareeya e Ryobha, ibhe na bhoose bhano bhamosiighiri Omutëmi wiito Yesu Kirisito, kwo bhosiighi bhuno bhotaanyi na antenero. Hawubhaabha.

Abhabhiribhi 1:16

Bhano mbaghuköra hangʼu kwo bhosiighi, bharamënya kubha, nibhöhuru kubha, neyiibhatereri Angʼana Anchömu.

Abhabhiribhi 1:6

Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

Abhabhiribhi 2:16

Wiiki mobharaghaneri abhaato bhakumi Angʼana e Kirisito ino ekobhaha obhuhöru bho miishe ghyose. Mukörë hangʼu kubha nibhönë ghe kwihachera mo‑rosiko ruure Kirisito aghugharuka gho kubha emeremo ghino ꞉niiköngʼiri ghuköra ghateghate yaanyu ghetaare ghe bhoowa.

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

1 Abhatesaronike 5:21

amare moghasaki amangʼana ghoose gha bhurööti na ghughööta ghano ghaanyi machömu,

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.