Abhabhiribhi 1:1 - Eriiraghano Eriihë

¹ Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Abhabhiribhi 1:1 ပူးပေါင်းရင်းမြစ်များ

Maariko 13:34

“Kuucha kooche ngotuubhiine no omooto uno aghuköra orughëndö. Akabha abhatighiri abhasësë bhaache bhamumööhëri aka yaache bhoheene. Akabhahööhi mooto woose omoremo o ghuköra. Akamara omochongi o mo‑kehita akamuraghereri akabhugha, atenge.”

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Amaköri gha Bhatomu 1:20

Mbe, Bheetero akëëndërëra kobhugha, “Mo‑ghitabhu ghe Sabhuri ngaandëkuru amangʼana ighoro e Yuuta kubha, ‘Aka yaache ibhe eritöngö, wiiki, atabha‑ho mooto uno aghusaagha‑mu.’ “Wiiki yandëkuru, ‘Omoremo waache o bhotomu, ahaabhu omooto owonde.’

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Amaköri gha Bhatomu 9:13

Ananiya akabhugha, “Omutëmi, abhaato bhaaru mbambooriire kebhuno Sawuri uyo abhaköriire abhaato bhaacho abhatööbhiyu amabhe iyo Yerusareemu!

Abharuumi 1:1

Anyaarubha ino neyandëkiri eni Bhawuro, omutamishi o Kirisito Yesu. Eni nebherekiiru nibhe omotomu waache, nyahwiru ne Eryobha nibhe neraraghani Angʼana yaache Anchömu.

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

1 Abhakorinto 16:10

Timotewo araacha bhowaanyu, momughënëhi bhoheene, kubha ikare ataanyi na ahaho, gho kubha iwe naghuköra emeremo ghe Mutëmi kinya eni.

2 Abhakorinto 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha. Eni haghirohamu na Timotewo, mohiiri wiito mo‑bhokumi, ntokobhaandëkëra inyu bhano moonyi mo‑riikanisa re Ryobha re mo‑moghya o Korinto. Ntokobhaandëkëra inyu haghirohamu na abhaato bhoose bha Ryobha bhano bhaanyi mo‑mukööwa o Akaaya.

Abhagharatiya 1:10

Ibheere, mokwihëëbha kubha neghutabhara ghwisherereru na abhaato? Tiyaanyi, eni neghutabhara ghwisherereru ne Eryobha eryene chiri. Ghasi mokwihëëbha kubha neghutabhara ghuchömëri abhaato? Aribha nengatabhiire kobhachömëri abhaato, ntengabheere omutamishi o Kirisito.

Abhagharatiya 3:26

Ibheere inyu bhoose n‑abhaana bha Ryobha moonyi gho nchëra e ghokumi koonyu, gho kubha mughöötiine na Kirisito Yesu.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Abhaebheeso 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. ˆNekabhaandëkëra inyu abhatööbhiyu bha Ryobha bhano mumanyiri Ebheeso, bhano momokumiri Kirisito Yesu.

Abhaebheeso 1:15

Nekoriitabheri Eryobha gho ghiri e mangʼana ghoose ghano ꞉reetuköriire. Korwera hano nyoghwire kebhuno momokumiri Omutëmi Yesu, na kinya obhosiighi bhoonyu bhoonyi kwo bhaato bhaache,

Abhaebheeso 6:24

Aghareeya e Ryobha, ibhe na bhoose bhano bhamosiighiri Omutëmi wiito Yesu Kirisito, kwo bhosiighi bhuno bhotaanyi na antenero. Hawubhaabha.

Abhabhiribhi 2:19

Omutëmi Yesu arasiigha, neghwitëngʼëra komotoma Timotewo ghano matiko, ache bhowaanyu, kubha hano aghugharuka ino, na neeni netooru omukörö hano akubha araaha amangʼana ghaanyu.

Abhabhiribhi 2:5

Amënda ghaanyu ghabhe ghaare ghaare are nagho Kirisito Yesu.

Abhabhiribhi 3:12

Eni nteekobhugha nimariri kohika mo‑ntenero, hamu nimariri kubha mughöröröku, tiyaanyi, amare nekwëndërëra ghwiköngʼi nibhönë ghaare Kirisito Yesu amberekeriire.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

1 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata Waryobha no Omutëmi wiito Yesu Kirisito. Ntököbhëëndëra aghareeya no omurëmbë ghibhe haghirohamu na niinyu.

1 Abhatesaronike 2:2

Wiiki mweche kubha hano toore tokeere kohika bhowaanyu, ntunyaakibhuru na ghotoku mo‑moghya o Bhiribhi. Nangabha bhowaanyu ꞉haare haköngʼu chwee, Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.

2 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata wiito Waryobha no Omutëmi Yesu Kirisito.

2 Abhatesaronike 1:10

Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

1 Timotewo 1:2

ˆNeghakwandëkëra iye Timotewo, omoona waane o muhëënë mo‑bhokumi. Neghokwëndëra ghareeya, ne ebheghongi no omurëmbë koru kwo Waryobha Taata na gho Kirisito Yesu, Omutëmi wiito, ghibhe haghirohamu na niiye.

1 Timotewo 3:8

Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

Bhiremooni 1:1

Eni Bhawuro, omubhöhu gho ghiri e kuraghani Angʼana Anchömu ighoro e Kirisito Yesu, ˆneghakwandëkëra iye Bhiremooni. Eni haghirohamu no omohiiri wiito Timotewo, ntoghoghukëëri iye omosiighani wiito, uno onyi omutamishi mughëndi wiito.

Abheebhuraaniya 13:23

Nekwënda mumënyë kubha omokumi mughëndi wiito Timotewo mbamotighoorikiri koru mo‑kibhöhö. Aribha araacha bhwango hano neenyi, nekuucha nawe bhowaanyu kobhataarera.

Yakobho 1:1

Anyaarubha ino neruure ghokoone eni Yakobho, omutamishi o Ryobha no o Mutëmi Yesu Kirisito. Nekobhakëëri inyu amatöngö ikomi na abhere, ghano ghasanchiri mo‑chaase.

1 Bheetero 2:25

Moore mobhoriri kinya changʼöndu chino chetighuru mo‑nchëra, amare ibheere, momugharokiire Omoriishi waanyu uno akobhachonga.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.

Obhohunyurëru 1:1

Bhuno n‑obhohunyurëru bho Yesu Kirisito. ꞉Naahaabhuru obhohunyurëru bhuno ne Eryobha, kubha abhëërëki abhatamishi bhaache amangʼana ghano ghakwëndëru korwera ghano matiko. Yesu woose aghatoma marayika waache kurëëta obhohunyurëru bhuyo kwo mutamishi waache Yohana.

Obhohunyurëru 1:20

꞉Noorooche chanchöta mohungate mo‑kubhökö koone gho kwiro, ne ebheghiro bhe sahaabhu bhe ghotoorera‑mu ebhemore. Nekweghi ebheteemoro bhe bhebhisere bhino. Ebheghiro mohungate bhe sahaabhu bhe ghotoorera‑mu ebhemore, n‑amakanisa ghaare mohungate, na chanchöta mohungate m‑bhamarayika bhaabho.”

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Obhohunyurëru 2:12

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bherighamo, no omobhoorere obhughe, ‘Neenyi ne ekinyamiino kyeghi. Mutëghëërërë ghano nekobhabhoorera!

Obhohunyurëru 2:8

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Simurina, no omobhoorere obhughe, ‘Eni neeni o Mumbërë na Antenero. Neere nekuure, nekaryoka ni ibheere m‑muhöru neenyi! Mutëghëërërë ghano nekobhabhoorera!

Obhohunyurëru 22:9

Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhaghutambana amangʼana gha ghitabhu kino. Mbe, orisëngërë Eryobha eryene chiri!”