3 Yohana 1:9 - Eriiraghano Eriihë

⁹ Mbe, ꞉neeryandëkiire eriikanisa anyaarubha, amare Tiwotireebhe uno asiighiri ghwikangati kinya niwe omokoro waabho, taaghwishererani na ameeghi ghiito.

3 Yohana 1:9 ပူးပေါင်းရင်းမြစ်များ

Mataayo 7:8

gho kubha omooto wowoose uno aghusabha, Eryobha ndekomuha, wowoose uno aghutabhara, Eryobha ndekomuha. Wiiki, wowoose uno aghuköngʼööta eghisëku, Eryobha ndekomwighorera orwighe.

Maariko 9:34

Niho abhaanabheegha bhaache bhaghakira, gho kubha mbaare bhashangʼaaniri abheene kwo bheene mo‑nchëra kubha n‑niwe ghate yaabho are omokoro ghokera abhande bhoose.

Maariko 9:37

“Omooto wowoose uno aghughënëhi omoona omosuuhu kinya uno kwo riina reene, naakubha angënëhiri eni. Wiiki, omooto wowoose uno aghungënëhi eni, tangënëhiri eni omwene. Mahëënë naakubha aghënëhiri Taata uno antomiri.”

Ruuka 9:48

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”

Abharuumi 12:10

Mosiighane inyu abheene kwi inyu bheene kinya abhahiiri. Omooto woose iköngʼi komosooka omughëndi waache.

Abhakorosaayi 1:18

Iwe niwe omutu o mobhere, niryo eriikanisa. Iwe n‑simoka e mangʼana ghoose, gho kubha niwe o mumbërë koryoka koru mo‑bhaku, kubha abhe no omweya o mumbërë, mo‑bheghiro bhyose.

2 Yohana 1:9

Wowoose uno ataakwëndërëra ghughööta ameeghi gha Kirisito, wiiki naghugharura ameeghi ghayo, uyo taanyi no obhumu ne Eryobha. Amare, uno akwëndërëra ghughööta ameeghi gha Kirisito, naanyi no obhumu na Taata Waryobha no Omoona waache.

3 Yohana 1:8

Gho ghayo, itu ntokwëndëru kobhatoori abhaato kinya bhayo. Gho ghuköra hangʼu, ntookubha tughöötiine haghirohamu nabho mo‑meremo ghe kuraghani obhuhëënë.