2 Yohana 1:9 - Eriiraghano Eriihë

⁹ Wowoose uno ataakwëndërëra ghughööta ameeghi gha Kirisito, wiiki naghugharura ameeghi ghayo, uyo taanyi no obhumu ne Eryobha. Amare, uno akwëndërëra ghughööta ameeghi gha Kirisito, naanyi no obhumu na Taata Waryobha no Omoona waache.

2 Yohana 1:9 ပူးပေါင်းရင်းမြစ်များ

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 15:6

Omooto wowoose araanga ghwikara moose yaane natuubhiine ne eghisaghe kino ghekurëkëru na kunyaara. Mbe, abhaato mbaghoghitööra na ghokirëkëra mo‑mororo, kehi.

Yohana 5:23

Gho nchëra iyo, abhaato bhoose mbakomosooka Omoona kinya bhuno bhakomosooka Taata. Omooto wowoose uno ataakomosooka Omoona, mbe, taakomosooka Taata uno amotomiri.

Yohana 8:31

Mbe, Yesu akabhabhoorera Abhayahuuti bhaare bhamokumiri akabhugha, “Erabha moghutambana ameeghi ghaane, mahëënë inyu n‑abhaanabheegha bhaane moonyi.

Amaköri gha Bhatomu 2:42

Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate haghirohamu, na korisabha Eryobha.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

Tiito 2:10

Wiiki bhatabha abhiibhi, amare bhabhe abhahëënë inkongʼorimu, kubha emeremo gheebho ghyose, ghighëri abhande bharutu na ameeghi gha Waryobha Omotoori wiito.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abheebhuraaniya 6:1

Gho ghiri iyo, totabha törëëndërëra ghusaagha mo‑ghaare tweghiri ighoro Kirisito hayo ekimbërë, amare twiköngʼi kwegha mbagha tuköngʼëri mo‑bhokumi. Totaabhëka wiiki obhoroso bho meeghi gha ghotuukuuna ighoro e maköri ghano ghaghughëri oroko na ghaare gha korekumi Eryobha.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

3 Yohana 1:9

Mbe, ꞉neeryandëkiire eriikanisa anyaarubha, amare Tiwotireebhe uno asiighiri ghwikangati kinya niwe omokoro waabho, taaghwishererani na ameeghi ghiito.