2 Yohana 1:5 - Eriiraghano Eriihë

⁵ Ibheere omosubhaati omosiighani, mo‑nyaarubha ino neghoghusabha osooke emeghiro ghino ghekobhugha kubha tosiighane. Emeghiro ghiyo, taanyi mihë, amare n‑ghiire ghiire toore naghyo korwera hano tookumiri.

2 Yohana 1:5 ပူးပေါင်းရင်းမြစ်များ

Yohana 15:12

Eriiraghereri reene niryo rino, mosiighane, kinya bhuno nebhasiighiri inyu.

Yohana 15:17

Mbe, nekabhahatëka inyu kubha, mosiighane.”

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

1 Abhatesaronike 4:9

Ibheere, teekwëndëru ango tobhaandëkërë wiiki amangʼana ighoro e ghosiighana, gho kubha inyu bheene mweghuru ne Eryobha kinya mokwëndëru ghosiighana.

Abheebhuraaniya 13:1

Mwëndërërë ghosiighana kinya bhuno ekwëndëru mo‑bhakumi.

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.

1 Yohana 3:11

Korwera eriibhagha rino ꞉muusëëmiri ghokumi, mooghwire amangʼana kubha nekwëndëru tosiighane itu bheene kwo bheene.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.

2 Yohana 1:1

Eni omugharuka o riikanisa, neghokwandëkëra iye omosubhaati omwahöru, haghirohamu na abhaana bhaacho bhano nesiighiri kwo bhuhëënë. Taanyi eni mwene hangʼu nebhasiighiri, koru na abhande bhano bheeche obhuhëënë, ibho bhoose mbabhasiighiri kwo hëënë.