2 Bheetero 3:14 - Eriiraghano Eriihë

¹⁴ Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.

2 Bheetero 3:14 ပူးပေါင်းရင်းမြစ်များ

Mataayo 24:26

Mbe, aribha abhaato bharabhabhoorera bharabhugha, ‘Mööhi, Kirisito naanyi iyo mwibhara!’, motaacha ghuye iyo. Hamu ‘Mööhi, niibhisiri muno mo‑nyumba!’, motaacha kobhakumi.

Mataayo 25:7

Hayo hayo abhaakë bhayo bhoose bhakabhooka na ghusëëmi ebhemore bheebho.

Ruuka 12:43

Neekubha ngʼoni kwo musësë wuure omutëmi waache aragharuka koru mo‑rughëndö, amubhönë araköra hangʼu.

Ruuka 2:29

“Oo Omutëmi omokoro, ibheere nongatighiri eni omutamishi waacho, neku kwo murëmbë, gho kubha nuköriri kinya ꞉ombooriire,

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

Abhabhiribhi 1:10

kubha mubhönë ghoghiishereri ghaare ghaanyi gha hëënë. Hayo niho mookubha bheero, na motaanyi ni isörö mbagha orosiko ruure Kirisito aghugharuka.

Abhabhiribhi 2:15

Gho ghayo, mubhe abhaana bha Ryobha bhano bhaghörörökiri na bhataanyi ni isörö. Wiiki mubhe abhaato bhano bhataaghughambu kobhe ghateghate e bhaato bhi ibheere bhano bhiichwire amabhe no obhuröngö. Ghateghate e bhaato bhayo, inyu morighibhu kinya emirëngaari ghino ghe kurëngaari mo‑se.

Abhabhiribhi 3:20

Amare, itu n‑abhiikari bha Mwishaaro toonyi na ntoghwitëngʼëra kwo miigha chwee Omotoori, Omutëmi wiito Yesu Kirisito, ache koru iyo.

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

1 Timotewo 6:14

ughöötërërë amëërëkërëri ghayo gho ghoghasooka no otaghataasi, mbagha hano akuucha Omutëmi wiito Yesu Kirisito.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.

1 Bheetero 1:7

Amasaki ghayo ngakurëngi obhokumi bhoonyu bhorighibhu kubha m‑bho hëënë. Asahaabhu ayeene ne egheghiro kino kehaasakibhu gho ghweku no omororo, nangabha ehaasarëka. Hangʼu hangʼu obhokumi bhoonyu bhuno bhoonyi bho riighori ikoro ghokera asahaabhu, mbokwëndëru bhurëngu, bhorighibhu kubha m‑bho hëënë. Hayo Yesu Kirisito nakobhaha aghongo, no obhokumi obhokoro na asooko, orosiko runo akuucha kwiyërëkani haheero.

2 Bheetero 3:1

Abhasiighani bhaane, anyaarubha ino n‑e kabhere ino ˆnekabhaandëkëra. Mo‑chanyaarubha choose ibhere ꞉niiköngʼiri kobhooki amiihëëbhö ghaanyu amachömu, gho nchëra e kobhahiiti.

2 Bheetero 3:16

Mo‑chanyaarubha cheeche choose naghosiikërëra amangʼana ghayo. Ngaanyi‑ho amangʼana aghande ghano ghaanyi maköngʼu ghoghamënya mo‑chanyaarubha cheeche chiyo. Amangʼana ghayo, abhaato bhano bhataanyi no obhumënyi na bhano bhataamara bhaköngʼëri mo‑bhokumi, mbahaaghasari, kinya bhuno bhahaasari Amandëkö Amatööbhiyu aghande. Gho nchëra iyo mbakwirëëtëra ghosireekerera koobho abheene.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.