2 Bheetero 2:19 - Eriiraghano Eriihë

¹⁹ Ibho mbakuragha abhaato kubha mbakubhöna obhohuuru, amare abheene nibho abhasësë bha bhobhe bhuno bhokobhasari. Nehaabha hangʼu gho kubha omooto woose nahaabha omusësë o ghyokyose kino kemokindiri.

2 Bheetero 2:19 ပူးပေါင်းရင်းမြစ်များ

Yohana 8:34

Yesu akabhagharokeri akabhugha, “Mahëënë ˆnekabhabhoorera, omooto wowoose uno akwëndërëra ghuköra amasari, n‑omusësë o masari.

Amaköri gha Bhatomu 19:16

Hayo hayo omooto uno are aghööturu no omusambu akabhiibhururukera abhaato bhayo, akabhakeri changuru. Okabharööna chwee, kerende bhakahoroka mo‑nyumba iyo ahönta bhaanyi kingʼaabhi, wiiki bhiichwire amaghaati.

Abhagharatiya 5:1

Kirisito natotooriri koru mo‑bhusësë kubha tubhe huuru inkongʼorimu. Gho ghayo, mwimeerere muköngʼiiri, motiishereri ghugharuka wiiki mo‑bhusësë bho meghiro.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

2 Timotewo 2:26

Niho, bhaghotora wiiki kubhöna amangʼiini, bhatooribhu koru mo‑muhëtö o Rishambu. Iryo ndebhaghöötiri, kubha bhabhe bharaköra amënda ghaache.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

1 Bheetero 2:16

Mumanye kwo bhohuuru, amare motahökëri obhohuuru bhuyo ghuköra amabhe. Mumanye kinya abhatamishi bha Ryobha bhakwëndëru kumanya.

2 Bheetero 1:4

Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.

2 Bheetero 2:20

Abhaato bhano bhamariri kungʼösa obhoghonchu bho se ino, bhakamënya bhoheene Omutëmi no Omotoori wiito Yesu Kirisito, bharaghöötu wiiki na ghokindu no obhoghonchu, antenero e riimanya reebho ndeekubha ibhe chwee ghokera e rimbërë.