2 Bheetero 2:14 - Eriiraghano Eriihë

¹⁴ Amiisho ghaabho ngiichwire obhutaari no obhwighombi bhoobho bho ghuköra amasari bhotaanyi na antenero. Mbaghotebhitebhi abhaato bhano bhataamara bhaköngʼëri mo‑bhokumi kwo mangʼana bhaghöötë amaköri ghaabho amabhe. Emetema gheebho nginariri ghwighomba obhwame. Abhaato bhayo mbiihiimuru!

2 Bheetero 2:14 ပူးပေါင်းရင်းမြစ်များ

Mataayo 12:34

Inyu orwibhoro ro nchöka! Nibhu moghotora ghosiikëra amangʼana amachömu eriibhagha inyu moonyi bhabhe? Gho kubha omooto naghosiikëra ghano ghiichwire mo‑motema waache.

Mataayo 23:14

“Horeera mokorighi inyu abheeghi bha emeghiro na niinyu Amabharisaayo, inyu chaghughuuti, gho kubha moghusabha Eryobha kwo masabhi marë chwee kubha morighibhu na abhaato, amare moghusöha mo‑bhasino morabhahöka ebheghiro bheebho. Orosiko ro ghoteneru ekiina, mahëënë mokubhöna anchagho inkoro koru kwo Ryobha.]

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Mataayo 5:28

Amare eni ˆnekabhabhoorera kubha, omooto wowoose uno akomumööhërëri omukari gho komwighomba, namariri ghutaara nawe mo‑körö yaache.

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Yohana 5:44

Mosiighiri ghoghongibhu na abhaghëndi bhaanyu, amare motaaghwiköngʼi ghutabhara asooko ino ekoru kwo Ryobha eryene chiri. Mbe, nibhu moghotora ghokumi?

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

1 Abhakorinto 11:19

Koheteerana ghate yaanyu ngokwëndëru kubhe‑ho, kubha bhano bhaanyi abhahëënë ghate yaanyu bhamënyu.

Abhaebheeso 2:3

Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Yakobho 1:8

Omooto uyo n‑o miihëëbhö abhere nahaataratara mo‑chanchëra cheeche choose.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

2 Bheetero 3:16

Mo‑chanyaarubha cheeche choose naghosiikërëra amangʼana ghayo. Ngaanyi‑ho amangʼana aghande ghano ghaanyi maköngʼu ghoghamënya mo‑chanyaarubha cheeche chiyo. Amangʼana ghayo, abhaato bhano bhataanyi no obhumënyi na bhano bhataamara bhaköngʼëri mo‑bhokumi, mbahaaghasari, kinya bhuno bhahaasari Amandëkö Amatööbhiyu aghande. Gho nchëra iyo mbakwirëëtëra ghosireekerera koobho abheene.

1 Yohana 2:16

Amabhe gha mo‑se ino nigho ghano, amiigha amabhe gha mobhere, ne eriihari re ghwighomba ghyokyose kino okorighi, na kwihachera obhwame. Chatëëmö chino chetaakoru o‑Taata Waryobha, amare nchekorwera mo‑se ino.

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.