2 Bheetero 2:1 - Eriiraghano Eriihë

¹ Amare mo‑riibhagha re bharööti, ꞉mbaarweriire abharööti bha bhuröngö ghate e Abhiisiraeri, kinya bhuno abheeghi bha bhuröngö bhaakubha ghate yaanyu. Abhaato bhayo mbaghusöhi kwo bhobhe ameeghi gha korumeeri abhaato, na mbakomwanga Omutëmi Yesu, uno abhatingwiri. Gho ghuköra hangʼu mbakwirëëtëra ghosireekerera koobho abheene kwo bhwango.

2 Bheetero 2:1 ပူးပေါင်းရင်းမြစ်များ

Mataayo 10:33

Amare, wowoose uno akonyanga ambërë e bhaato, na neeni nekomwanga ambërë e Taata waane uno anyi Mwishaaro.

Mataayo 24:11

“Eriibhagha riyo, mbakorwera abharööti bhaaru bha bhuröngö na kobhangʼiina abhaato bhaaru.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Mataayo 24:5

Abhaato bhaaru mbakuucha kwo riina reene, bharabhugha, ‘Eni neeni Kirisito!’ Nabho mbakobhangʼiina bhaaru.

Mataayo 7:15

“Mubhe miisho na abharööti bha bhuröngö. Ibho hano bhakobhatambana, mbaghwiköri kubha kinya changʼöndu. Amare mo‑metema gheebho n‑chasuuche ihaari.

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Ruuka 12:9

Wiiki, omooto woose uno akonyanga ambërë e bhaato, na neeni nekomwanga ambërë e bhamarayika bha Ryobha.

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

Ruuka 6:26

Horeera mokorighi inyu, bhano abhaato bhoose bhakobhaghongi, gho kubha, koru na bhasookoro bhaabho, hangʼu ꞉bhaaköriire abharööti bha bhuröngö. Mbe, motaakubhöna atuho Mwishaaro.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

1 Abhakorinto 11:19

Koheteerana ghate yaanyu ngokwëndëru kubhe‑ho, kubha bhano bhaanyi abhahëënë ghate yaanyu bhamënyu.

1 Abhakorinto 6:20

gho kubha moghoruru kwo riighori ikoro. Mbe, moreghongi Eryobha mo‑mebhere gheenyu.

1 Abhakorinto 7:23

Moghoruru kwo riighori ikoro. Gho ghayo, motabha abhasësë bha bhaato.

Abhagharatiya 2:4

Angʼana iyo e ghusaaru ꞉neebhooruru na abhaato bhano ꞉bhiiköri kubha m‑bhaghëndi bhiito, amare ꞉mbiisöhiri kwo bhongʼiiningʼiini ghwisuncha obhohuuru bhwito bhuno toonyi nabho gho ghughöötana na Kirisito Yesu. Ekebhune keebho nkeere ghotuköra tubhe abhasësë bha meghiro ghe Musa.

Abhagharatiya 3:13

Kirisito natotingwiri koru mo‑riihiimo re meghiro gho kwimoki eriihiimo riyo gho ghiri yiito. Amandëkö Amatööbhiyu ngakobhugha, “Wowoose uno amamburu mo‑musarabha, niihiimuru.”

Abhagharatiya 4:17

Abhaato bhaare abhande, mbaghwiköngʼi kobhanyaakera, amare taanyi kwo mënda machömu. Mbakwënda kobhaahukani na neeni, kubha inyu mwiköngʼi kobhanyaakera ibho.

Abhagharatiya 5:20

na ghusëngëra asanaamu, no obhoturutumbi, no obhobhisa, no obhurööni, no obhusööhu, ne eriihari, na ghukarara, ne eriibhutu, na kwanga koghwana, na kwibhora amangʼana,

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Abhabhiribhi 3:19

Antenero e bhaato bhayo mbaghosireekerera, gho kubha amiigha ghaabho nigho eryobha reebho. Ibho mbakwihachera amaköri gha chaasoni ghano bhaghuköra. Wiiki mbakwihëëbhëra amangʼana gha mo‑se ino.

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

1 Timotewo 5:8

Amare omooto wowoose uno ataaghotoori abhaato bhaache, ahanene bhaare bha mo‑ka yaache, uyo naakubha atighiri obhokumi bhuno toghokumi, wiiki m‑mobhe ghokera omooto uno ataamara akumi.

2 Timotewo 4:3

ˆNeghakobhoorera hangʼu, gho kubha ndekuucha eriibhagha rino abhaato bhataakubha bharatëghëërëra ameeghi gha bhuhëënë. Mbakwënda ghutambana amiigha ghaabho abheene, na gho ghayo mbakwiyaahurera abheeghi bhaaru gho kubha mbasiighiri ghutëghëërëra amangʼana aghande ghande amahë.

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

Tiito 3:10

Omooto uno aghutamani abhaato, omutöngërë o rumbërë na ro kabhere. Aribha akaanga kooghu, otighane nawe kimu.

Abheebhuraaniya 10:29

Ibheere mwihëëbhë! Kana, n‑anchagho e ngʼana hayi ino akubhöna omooto uno akomutaraaha Omoona o Ryobha na korighi kubha amasaahë gha riiraghano rino ꞉reemomusiri amasari ghaache kubha taanyi egheghiro ghe ghotereera, na kwo mooto uno aghotoka Akörö Ahörëëru ino enyi e ghareeya?

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

1 Yohana 2:26

ˆNekabhaandëkëra ghano, kobhashaangʼi ighoro e bhaato bhaare bhaghusaki kobharumeeri.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

Yuuta 1:18

꞉Mbaabhughiri kubha, “Chaasiko che ntenero, mbakorwera abhaato abhachebhori, bhano bhaghutambana amiigha ghaabho amabhe.”

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 2:9

Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

Obhohunyurëru 3:8

Nyeeche amaköri ghaanyu. Mööhi! Eni nebhighoriire orwighe, koru taanyi‑ho omooto uno aghotora korwighara. Koru nangabha changuru cheenyu cheenyi insuuhu, amare mughöötiri ameeghi ghaane, motanyangiri kubha m‑bhaghëndi bhaane moonyi.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Obhohunyurëru 6:10

Niho chaakörö chiyo, cheghaköra eriireghe cherabhugha, “Oo Omutëmi, Omutööbhiyu no Omuhëënë, ngwake ˆoghakëëchëra! Nyingake oghotenera ekiina abhaato bha se na korehani asiire e ghotwita?”