2 Bheetero 1:4 - Eriiraghano Eriihë

⁴ Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.

2 Bheetero 1:4 ပူးပေါင်းရင်းမြစ်များ

Abharuumi 9:4

Bhayo nibho Abhiisiraeri, abhaato bhano Eryobha ryahwire bhabhe abhaana bhaache, ꞉ndëëbhëërëkiri obhokumi bhooche obhokoro na ꞉ndiiköriri amaraghano nabho. Wiiki ꞉ndeebhaheere emeghiro gheeche, haghirohamu na ghano ꞉reebharaghiri, na ꞉ndëëbhëërëkëriiri kebhuno ekwëndëru korisëngëra.

2 Abhakorinto 1:20

N‑hangʼu, gho kubha iwe ꞉naabhughiri “Hee,” gho ghano ghoose Eryobha ꞉riiraghiri, ngahikeriine gho kohetera ghokooche. Nikyo kwo Yesu Kirisito ntokobhugha, “Hawubhaabha,” gho ghiri e koreghongi Eryobha.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

2 Abhakorinto 6:17

Gho ghayo Omutëmi Waryobha ꞉naabhughiri wiiki kubha, “Moru ghateghate yaabho, mwiyaahukani nabho. Motaturi egheghiro egheghonchu, niho na neeni nekobhaghënëhi.

Abhagharatiya 3:16

Mbe, Eryobha ꞉ndiiraghiri kwo Abhurahamu sookoro wiito, haghirohamu no orwibhoro rooche. Amandëkö Amatööbhiyu ghataakobhugha kubha, “Na gho chanyiibhoro cheeche,” egheteemoro keeche n‑kubha, taanyi bhaaru, amare ngakobhugha, “No orwibhoro rooche,” egheteemoro keeche n‑kubha, n‑umu, niwe Kirisito.

Abhagharatiya 6:8

Mbe, omooto uno aghutambana amiigha ghaache amabhe, naghughësa ghosireekereru na amiigha ghayo. Amare uno aghutambana Akörö Ahörëëru, naghughësa koru gho Körö Ahörëëru obhuhöru bho miishe ghyose.

Abhaebheeso 4:13

Emeremo ghiyo ngekwëndërëra mbagha itu bhoose tohikere kubha bhamu mo‑bhokumi na komumënya bhoheene Omoona o Ryobha, tubhe abhaato bhano tuköngʼiri gho kohikera ekirëngërë ke bhohikeerani bho Kirisito.

Abhakorosaayi 3:10

mobheekiri atëëmö ahë. Atëëmö ahë iyo nehaabha eraköru bhuhë kurëngʼaana ne eghetuubhaani keeche eryene rino reyebhombiri, kubha morimënyë bhoheene.

Abheebhuraaniya 12:10

Abhiibhori bhiito bha mo‑se ino mbaghoturööna kwo riibhagha ighuhe kurëngʼaana na bhuno bhakwihëëbha kubha m‑bhoheene. Amare Eryobha ndeghoturööna gho ghiri yiito itu abheene kubha tubhe haghirohamu nawe mo‑bhutööbhiyu bhooche.

Abheebhuraaniya 9:15

Gho ghayo, Yesu niwe akobhaghöötani abhaato ne Eryobha mo‑Riiraghano Eriihë kubha abhaato bhano Eryobha rebhahwire bhabhönë obhuhöru bho miishe ghyose bhuno ꞉riiraghiri kobhaha. Ghano ngaghotora ghuköru hangʼu gho kubha Yesu ꞉naakuure kubha abhatingori abhaato koru mo‑masari ghano ꞉bhaare bharaköra mo‑Riiraghano re Kare.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

2 Bheetero 3:13

Amare itu ntoghughanya erishaaro eriihë na ase ahë kinya bhuno ꞉reeturaghiri, ahaghiro hano hiichwire obhuhëënë.

2 Bheetero 3:9

Abhaato abhande mbaghwituuri kubha Omutëmi Waryobha naghukëëchëra kohikeerani ghaare ꞉araghiri, amare taaghukëëchëra. Amare iwe naghwiköngʼëërëri gho ghiri yaanyu, gho kubha taakwënda kubha, omooto koru umu ache abhore. Kino akwënda n‑kubha bhoose bhatuukuunere amasari ghaabho.

1 Yohana 2:25

Rino aturaghiri Omoona o Ryobha niryo rino, kubha no obhuhöru bho miishe ghyose.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.