2 Bheetero 1:17 - Eriiraghano Eriihë

¹⁷ Itu ntoore‑ho eriibhagha ahaabhuru asooko no obhokumi obhokoro koru o‑Taata Waryobha. Eriibhagha riyo, eriiraka rekaru kwo Waryobha uno anyi Obhokumi Obhokoro, rerabhugha, “Uno n‑Omoona waane omosiighani, uno neghuchömëru nawe.”

2 Bheetero 1:17 ပူးပေါင်းရင်းမြစ်များ

Mataayo 12:18

“Mööhi, uno niwe omutamishi waane uno nemwahwire, Omosiighani waane uno aghuchömëri omotema waane. Neghotoora Akörö yaane ighoro yaache, kubha araghani obhuhëënë bhoone kwo matöngö ghoose.

Mataayo 17:3

Hayo hayo, bhakamorighi Musa na Eriya bharasiikëra nawe.

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Maariko 1:11

Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye.”

Maariko 9:7

Niho erishaaro reghiika, rekabhakundekeri. Bhakooghu eriiraka re Ryobha rerarwera mo‑rishaaro riyo, rerabhugha, “Uno n‑Omoona waane omosiighani, momutëghëërërë!”

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Ruuka 3:22

Akörö Ahörëëru ekamwikëra kinya egheghuuti na ghwikara ighoro yaache. Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye!”

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Yohana 10:36

Kana, ngwake mokobhugha eni neghwiköri Eryobha hano nekobhugha, ‘Eni n‑Omoona o Ryobha?’ Taata niwe anyahwire na ghontoma mo‑se.

Yohana 14:11

Mokumi ghano neghosiikëra kubha neenyi moose e Taata, na kubha iwe naanyi moose yaane. Amare erabha inyu motaaghokumi ghano neghosiikëra, mokumi gho ghiri e meremo ghino neghuköra.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Yohana 3:35

Taata Waryobha namosiighiri Omoona waache, wiiki namoheere obhotoro ighoro e bheghiro bhyose.

Yohana 5:20

Taata namosiighiri Omoona, nikyo ahamwërëki emeremo ghyose ghino aghuköra, wiiki nakomwërëki ghuköra ebheroghooro bhekoro ghokera bhiyo, na niinyu mokoroghoora chwee.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.

Yohana 6:27

Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Yohana 6:39

Amiigha gha Taata uno antomiri nigho ghano, kubha netaacha komorumeeri koru umu mo‑bhaare aheere, amare nebharyoki mo‑rosiko ro ntenero.

Abharuumi 15:6

Hayo niho na niinyu bhoose moghotora koreghongi Eryobha, Taata o Mutëmi wiito Yesu Kirisito, kwo mukörö umu na kwo riiraka rimu.

2 Abhakorinto 1:3

Aghongibhu Waryobha, Taata o Mutëmi wiito Yesu Kirisito, Taata uno anyi ne ebheghongi, wiiki ne Eryobha rino reghotughambisani mo‑ghoose.

2 Abhakorinto 11:31

Waryobha, Taata o Mutëmi Yesu, uno akurëngʼaanera ghoghongibhu emiishe ghyose, neeche kubha nteeghosiikëra obhuröngö.

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

2 Yohana 1:3

Mbe, Taata Waryobha na Yesu Kirisito Omoona waache, mbaghotuha aghareeya na mbaghotorigheri changori, na ghotuha omurëmbë, itu bhano toghutambana obhosiighi no obhuhëënë.

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.