2 Abhatesaronike 3:6 - Eriiraghano Eriihë

⁶ Abhahiiri bhiito, ntokobharaghereri kwo bhukangati bho Mutëmi Yesu Kirisito kubha, mobhiisache abhaghëndi bhaanyu bhano bhaanyi abhatöbhu bhano bhataaghutambana ameeghi ghano tobhaheere.

2 Abhatesaronike 3:6 ပူးပေါင်းရင်းမြစ်များ

Mataayo 18:17

Aribha ataakabhoghwera bhayo bhoose, nooghi orebhoorere eriikanisa. Aribha ataakaryoghwera eriikanisa, mbe, momubhare kinya omooto uno ataakorekumi Eryobha hamu omutöbhi o righööti.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

1 Abhakorinto 11:2

Nekobhaghongi gho kubha mohiitiri mo‑mangʼana ghoose, na ghughööta ameeghi ghano ꞉neebhaheere.

1 Abhakorinto 5:4

Eriibhagha moghwikomana kwo riina re Mutëmi wiito Yesu, eni neekubha haghirohamu na niinyu mo‑körö, na changuru che Mutëmi wiito Yesu, ncheekubha haghirohamu na niinyu.

1 Abhakorinto 5:9

Mo‑nyaarubha ino ꞉neebhaandëkiire, ꞉neebhabhooriire kubha, motaghöötana na abhataari.

2 Abhakorinto 2:10

Omooto wowoose uno mokomwabhëra, na neeni neekubha nemwabhiire. Na aribha enyi‑ho angʼana ino nekwëndëru kwabhëra, neryabhiire ambërë e Kirisito gho ghiri yaanyu,

Abhaebheeso 4:17

Mbe, kwo riina re Mutëmi ˆnekabhatöngëra kubha, motamanya wiiki kinya abhaato bhano bhataryeche Eryobha. Ibho amiihëëbhö ghaabho ghataanyi no obhwëra,

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

1 Abhatesaronike 4:11

Mwiköngʼi chwee kumanya eriimanya re murëmbë. Omooto wowoose atiisöhi mo‑mangʼana gha bhande, amare akörë omoremo waache omwene, kinya bhuno tobharagheriiri.

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

2 Abhatesaronike 2:15

Ibheere abhahiiri bhiito, mwimeerere muköngʼëri na ghughööta ameeghi ghano mobhwine kohetera mo‑mangʼana ghiito ghano ꞉toobharaghaniiri, hamu koru mo‑nyaarubha yiito ino ꞉toobhaandëkiire.

2 Abhatesaronike 3:7

Ntokobhugha hangʼu gho kubha, inyu bheene mweche bhuure mokwëndëru kwegha eghetuubhaani kiito. Hano itu toore haghirohamu na niinyu totaare bhatöbhu,

1 Timotewo 5:21

ˆNeghakuraghereri ambërë e Ryobha, na ambërë e Kirisito Yesu na bhamarayika abhaahöru kubha, ughöötërërë ghayo. Otatena ekiina kwo bhwango hamu kuraarëra eribhaara rimu.

1 Timotewo 6:5

wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

2 Timotewo 3:5

Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.

2 Timotewo 4:1

ˆNeghakuraghereri ghano ambërë e Ryobha na ambërë e Kirisito Yesu, uno aghotenera ekiina abhaato abhahöru na bhano bhakuure. Kirisito Yesu niwe akuucha ghukangata ase ino anyi Omutëmi.

2 Yohana 1:10

Mbe, aribha omooto wowoose akuucha ghokoonyu uno ataakweghi obhuhëënë ighoro e Kirisito, motamughënëhi mo‑chanyumba cheenyu, koru motamukëëri kinya Omokirisito mughëndi waanyu.