2 Abhatesaronike 3:2 - Eriiraghano Eriihë

² Motusabhere kubha Eryobha retotoori mo‑bhaato abhabhe na abhatiriighanu, gho kubha taanyi bhoose bhano bhaghokumi angʼana iyo.

2 Abhatesaronike 3:2 ပူးပေါင်းရင်းမြစ်များ

Mataayo 17:17

Yesu akabhagharokeri akabhugha, “Inyu orwibhoro runo rotaaghokumi, runo rorumeeriri! Neghwikara na niinyu na kobhaghumereri mbagha nyingake? Momurëëtë hano omoona uyo!”

Mataayo 23:23

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha mokoruusi eribhaara ri ikomi kwo Ryobha ebheghiro bhe riighori isuuhu kinya chaahëkë che chaanyi, ebhinchaari no obhukaanu. Amare, moghotigha amangʼana gha hëënë gha meghiro, kinya ghuköra ghano ghakwëndëru ne Eryobha, na kubha ne ebheghongi, na kubha no obhuhëënë kwo Ryobha, na kwo bhaato abhande. Amare mokwëndëru moghakörë ghoose amakoro na amasuuhu haghirohamu.

Ruuka 18:8

ˆNekabhabhoorera kubha, ndekobhaha obhuhëënë bhoobho bhwango. Amare, hano eni Omoona o Mooto nekuucha ghugharuka mo‑se ino, nekubhöna abhaato bharankumi?”

Amaköri gha Bhatomu 13:45

Amare Abhayahuuti hano bharooche kubha abhaato bhaaru mbiikomiine kobhatëghëërëra abhatomu bhayo, bhaghaghöötu ne eriihari chwee. Bhaakabha bharashangʼaana na Bhawuro, na ghosiikëra amangʼana amabhe gha kwanga, ghano Bhawuro are arasiikëra.

Amaköri gha Bhatomu 13:50

Amare Abhayahuuti bhakabhaseeghereri abhakari bha sooko bhano ꞉bhaare bhararesooka Eryobha, haghirohamu na abhakangati bha mo‑moghya uyo. Bhakabhakangata kobhanyaaki Bhawuro na Bharinaabha, bhakabhahëëbha koru hayo.

Amaköri gha Bhatomu 14:2

Amare Abhayahuuti abhamu bhataakumiri, bhaghasëëma kobhaseeghereri abhaato bha matöngö, kubha bhabhareghe abhaato bhano bhakumiri.

Amaköri gha Bhatomu 17:5

Ghayo ghaghaghëri Abhayahuuti abhande bhaghaghöötu ne eriihari. Gho ghayo bhaaghaye mo‑mutëëra, kubha bhabharëëtë abhaato abhatiriighano, bhaghiikomana erikinda, bhaghasëëma ghuköra anyööri yaaru mo‑moghya uyo. Bhaghasöha gho changuru mo‑ka e Yasooni, bharabhatabhara Bhawuro na Siira, kubha bhabharëëtë ambërë e bhaato.

Amaköri gha Bhatomu 25:27

Nerooche kubha teenyi bhoheene komotomera Kayisaari omubhöhu, koru ghataanyi‑ho amangʼana gha komusëmëra.”

Amaköri gha Bhatomu 28:24

Amangʼana ghano Bhawuro asiikiire, Abhayahuuti abhande bhaghaghakumi, amare abhande bhaghaghaanga.

Abharuumi 10:16

Koru hangʼu, taanyi Abhiisiraeri bhoose bhayiisheriiri na koyesooka Angʼana Anchömu iyo, abhaaru ꞉mbaayaangiri. Omurööti Isaaya ꞉naabhughiri kubha, “Omutëmi, n‑niwe uno ꞉akumiri amangʼana ghiito?”

Abharuumi 15:31

Munsabhere kubha, abhaato bha mukööwa o Yuteya bhano bhakwanga komokumi Yesu Kirisito, bhataacha ghunkörëra amabhe. Wiiki munsabhere kubha abhakumi bha iyo Yerusareemu, bhiishereri ghosongʼaana obhotoorereri bhuno nekobhahirera koru kwo bhaato bha matöngö.

1 Abhakorinto 15:32

Aribha eriitëngʼërö reene ndengabheere re se ino hangʼu, kurööna koone na abhabhisa bhaane bhano bhanga kinya chatyenyi chahaari mo‑moghya o Ebheeso nkongansakiiri ke? Aribha abhaku bhataakoryokibhu, mbe, “Tubhe toraraaghëra na kunyo, gho kubha tabhoori ntooghoku.”

1 Abhatesaronike 2:18

Gho ghayo, ꞉ntwëëndiri kobhataarera wiiki. Eni Bhawuro ꞉niisakiri kuucha bhowaanyu teenyi mara rimu, amare Erishambu reghaturëki.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.