2 Abhatesaronike 3:14 - Eriiraghano Eriihë

¹⁴ Aribha omooto wowoose ataakwënda ghoghaghööta amaraghereri ghiito ghano ghaanyi mo‑nyaarubha ino, mubhe miisho no omooto uyo. Motaghöötana nawe kubha arighi chaasoni.

2 Abhatesaronike 3:14 ပူးပေါင်းရင်းမြစ်များ

Mataayo 18:17

Aribha ataakabhoghwera bhayo bhoose, nooghi orebhoorere eriikanisa. Aribha ataakaryoghwera eriikanisa, mbe, momubhare kinya omooto uno ataakorekumi Eryobha hamu omutöbhi o righööti.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

1 Abhakorinto 4:14

Nteekobhaandëkëra amangʼana ghano kobhasooki, amare nekwënda kobhashaangʼi kinya abhaana bhaane abhasiighani.

1 Abhakorinto 5:11

Amare, kino ꞉nyëëndiri kobhugha n‑kubha, motaghöötana no omooto uno akwibherekera omokumi, ino anyi omutaari, no omusööhu, koru uno aghusëngëra asanaamu, hamu omokobhooshani, hamu omurëëbhi, hamu erinyangara. Omooto kinya uyo, motiishereri koru ghusanga nawe mo‑ndaaghëra.

1 Abhakorinto 5:9

Mo‑nyaarubha ino ꞉neebhaandëkiire, ꞉neebhabhooriire kubha, motaghöötana na abhataari.

2 Abhakorinto 10:6

Hano mookubha momosookiri inkongʼorimu, itu ntookubha tumariri ghwisëëma ghutëma anchagho amangʼana ghoose ghano ghataanyi gha sooko.

2 Abhakorinto 2:9

Ekebhune ekende kino ꞉ghiighëriri nekaandëka anyaarubha yiire n‑kubha, neere nërëënda korighi aribha mongansookiri mo‑mangʼana ghoose.

2 Abhakorinto 7:15

Obhosiighi bho Tiito ghokoonyu mbokwëndërëra kwëngëra, hano akohiita obhosooku bhoonyu bhoose na kinya bhuno momosongʼaaniri gho sooko na gho ghosingisa.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

Abhakorosaayi 4:16

Mbe, moramara ghusöma anyaarubha ino bhowaanyu, mutabhare anchëra yoyoose yiire, moyehiki mo‑riikanisa re Rawotikiya ryose reyisömë. Inyu bhoose mutabhare anchëra e ghusöma anyaarubha ino nebhatomiire ibho.

1 Abhatesaronike 4:8

Gho ghayo, omooto wowoose uno akwanga ameeghi ghano, taakomwanga omooto, amare nakoryanga Eryobha, rino rekobhaha inyu Akörö yaache Antööbhiyu.

2 Abhatesaronike 3:6

Abhahiiri bhiito, ntokobharaghereri kwo bhukangati bho Mutëmi Yesu Kirisito kubha, mobhiisache abhaghëndi bhaanyu bhano bhaanyi abhatöbhu bhano bhataaghutambana ameeghi ghano tobhaheere.

Tiito 2:8

Ameeghi ghaacho ghabhe gha mahëënë ghano ghataanyi ni isörö mo‑bhaato. Hayo erabha anyi‑ho omooto uno akwënda ghoghaanga, naghosookibhu, gho kubha taakubha na angʼana imbe e ghughamba ighoro yiito.

Tiito 3:10

Omooto uno aghutamani abhaato, omutöngërë o rumbërë na ro kabhere. Aribha akaanga kooghu, otighane nawe kimu.

Bhiremooni 1:21

Nekwandëka ghano, gho kubha nyeeche kubha noghoghiishereri, wiiki noghuköra ghokera ghano nisabhiri.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

2 Yohana 1:10

Mbe, aribha omooto wowoose akuucha ghokoonyu uno ataakweghi obhuhëënë ighoro e Kirisito, motamughënëhi mo‑chanyumba cheenyu, koru motamukëëri kinya Omokirisito mughëndi waanyu.