2 Abhatesaronike 3:11 - Eriiraghano Eriihë

¹¹ Ntosiikiire amangʼana ghayo gho kubha, ntooghwire iyo bhowaanyu mbaanyi‑ho abhaato abhande abhatöbhu, bhataaghuköra ghyokyose, amare mbaghughëndëra amangʼana gha bhaato abhande.

2 Abhatesaronike 3:11 ပူးပေါင်းရင်းမြစ်များ

Abhaebheeso 4:28

Uno are ariibha atagharokeri kwibha wiiki, amare akörë emeremo ghino ghiishereriiru kwo mabhökö ghaache omwene, abhönë egheghiro ghe komuhööhi uno ataghöötë.

1 Abhatesaronike 4:11

Mwiköngʼi chwee kumanya eriimanya re murëmbë. Omooto wowoose atiisöhi mo‑mangʼana gha bhande, amare akörë omoremo waache omwene, kinya bhuno tobharagheriiri.

2 Abhatesaronike 3:6

Abhahiiri bhiito, ntokobharaghereri kwo bhukangati bho Mutëmi Yesu Kirisito kubha, mobhiisache abhaghëndi bhaanyu bhano bhaanyi abhatöbhu bhano bhataaghutambana ameeghi ghano tobhaheere.

1 Timotewo 5:13

Abhasino bhayo, mbanariri atëëmö e bhutöbhu, bhariinaaranaara mo‑chaaka che bhaato. Wiiki, m‑bhakobhooshani, mbaghwisöhi mo‑mangʼana gha bhaato abhande, na ghosiikëra ghano ghataakubha.

1 Bheetero 4:15

Mbe, anyaako yaanyu etaacha korwera gho ghiri e bhwiti, no omwibhi, na ghuköra amabhe hamu ghwisöhi mo‑mangʼana gha bhande.