2 Abhatesaronike 3:1 - Eriiraghano Eriihë

¹ Ibheere abhahiiri bhiito, motusabhere kubha angʼana e Mutëmi Yesu yëndërërë ghusancha bhwango, wiiki abhaato bhayesongʼaane gho sooko, kinya bhuure enyi ghokoonyu.

2 Abhatesaronike 3:1 ပူးပေါင်းရင်းမြစ်များ

Mataayo 9:38

Ibheere, musabhe omwene omoghondo atome abhaghësi abhande mo‑moghondo waache.”

Ruuka 10:2

Yesu akabhabhoorera akabhugha, “Omunöghö m‑mwaru chwee, amare abhaghësi m‑bhasuuhu. Ibheere, musabhe omwene omoghondo, atome abhaghësi abhande mo‑moghondo waache.

Amaköri gha Bhatomu 12:24

Angʼana e Ryobha ëkëëndërëra ghusancha mo‑bhaato, na abhaato bhaaru bhaghakumi.

Amaköri gha Bhatomu 19:20

Hangʼu niho Angʼana e Mutëmi ꞉yëëndëriire ghusancha mo‑bhaato, na kubha na changuru chwee.

Amaköri gha Bhatomu 6:7

Angʼana e Ryobha ëkëëndërëra ghusancha mo‑bhaato. Wiiki ekirëngërë ke bhaghëndi bha Yesu ghëkëëngëra chwee iyo Yerusareemu, na koru erikinda ikoro re bhachaama bhakamokumi Yesu.

Abharuumi 15:30

Mbe, abhahiiri bhaane, kurëngʼaana na ghughöötana kwito no Omutëmi wiito Yesu Kirisito, na kurëngʼaana no obhosiighi bhuno Akörö Ahörëëru etoheere, ˆnekabhasasaama kwo motema waane woose kubha, mwiköngʼi ghughöötana na neeni gho ghunsabhera kwo Waryobha.

1 Abhakorinto 16:9

Neghusaagha hano gho kubha, Eryobha ndinköriire anchëra e ghuköra emeremo mekoro mo‑moghya uno, nangabha bhaanyi‑ho abhaato bhaaru bhano bhakuhööcherera.

2 Abhakorinto 1:11

aribha moghusakerani na niitu gho ghotusabhera kwo Waryobha. Iryo ndekooghu amasabhi ghaanyu na ndeghotwitabheri. Niho abhaato bhaaru bhakoriitabheri Eryobha gho ghiri yiito.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

Abhakorosaayi 4:3

Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

1 Abhatesaronike 1:8

Korwera ghokoonyu, abhaato mbooghwire Angʼana e Mutëmi Yesu. Taanyi kwo bhaato bha Maketoniya na Akaaya abheene, amare obhokumi bhoonyu kwo Waryobha mbumanyëkiine hoose. Gho ghayo, totaakwinyaaki ghosiikëra ghyokyose ighoro e bhokumi bhoonyu.

1 Abhatesaronike 2:1

Inyu bhahiiri bhiito, mweche kubha okuucha kwito bhowaanyu, ghotaare bhoowa.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

1 Abhatesaronike 5:17

wiiki mubhe morasabha motatigha naabha.

1 Abhatesaronike 5:25

Bhahiiri bhiito, itu bhoose motusabhere kwo Waryobha.

2 Timotewo 2:9

Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.