2 Abhatesaronike 2:2 - Eriiraghano Eriihë

² motiitumata bhwango na kubha na ahaho kubha orosiko ro kuucha Omutëmi ndumariri kohika. Hamwabhe mooghwire amangʼana nyarebhe gha bhurööti, hamu ghano bhakuraghani, hande gha nyaarubha ino bhakwihëëbha kubha neruure ghokwito.

2 Abhatesaronike 2:2 ပူးပေါင်းရင်းမြစ်များ

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Maariko 13:7

Hano inyu mokooghu ighoro e amangʼana gha mahë na nyughunyughu e riihë, motatiina. Ghayo ngakwëndëru korwera, amare antenero neekubha ekeere.

Ruuka 21:19

Obhuhöru bhoonyu mboghotooribhu, hano moghoghumereri.

Ruuka 21:9

Hano mokuucha kooghu amangʼana gha mahë, na anyööri yaaru, motatiina. Ghayo ghoose, ngakwëndëru gharwere singa, amare antenero e ghoose, ekeere.”

Yohana 14:1

Yesu akëëndërëra kobheeghi akabhugha, “Motiitumata mo‑metema gheenyu, momokumi Waryobha, wiiki monkumi na neeni.

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

1 Abhakorinto 14:32

Ekihaano ghe koruusi obhurööti, ngeghukangatu na uno ahaabhuru ekihaano kiyo.

1 Abhakorinto 7:26

Mbe, gho kubha neenyi‑ho anyaako yaaru chaasiko chino, nekwihëëbha kubha m‑bhoheene omooto asaaghe kinya anyi.

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

1 Abhatesaronike 3:3

꞉Ntuuköriri hangʼu kubha omooto wowoose ataku omukörö gho ghiri e nyaako iyo. Inyu mweche kubha, ntokwëndëru kohetera nyaako iyo.

1 Abhatesaronike 4:15

Mbe, ghano tokobhabhoorera n‑ameeghi gha Mutëmi Yesu, kubha itu bhano tookubha abhahöru hano akuucha ghugharuka, totaakobhakangata bhano bhamariri ghoku.

1 Abhatesaronike 5:2

gho kubha inyu bheene mweche kubha orosiko ro kuucha Omutëmi, ndookubha ro ghutakani kinya omwibhi ahaacha obhotiko.

2 Abhatesaronike 2:15

Ibheere abhahiiri bhiito, mwimeerere muköngʼëri na ghughööta ameeghi ghano mobhwine kohetera mo‑mangʼana ghiito ghano ꞉toobharaghaniiri, hamu koru mo‑nyaarubha yiito ino ꞉toobhaandëkiire.

2 Abhatesaronike 3:17

Eni Bhawuro ˆnekabhaandëkëra amakëërani ghano gho kubhökö koone eni mwene. Kiyo nikyo ekingʼöchö mo‑chanyaarubha cheene choose, nibhu nehaandëka.

Obhohunyurëru 19:20

Amare oghotyenyi ghuyo, haghirohamu no omurööti o bhuröngö uno aköriri ebhyërëkërëri ambërë yaache, ꞉mbiimokiibhu ke bhano bhaghööturu mwihë. Gho ghuköra ebhyërëkërëri bheeche bhiyo, omurööti uyo o bhuröngö nangʼiiniri abhaato bhano bhatoriiru ekingʼöchö no oghotyenyi ghuyo na ghusëngëra asanaamu yaache. Bhoose bhabhere ꞉mbaarëkiiru bhaanyi abhahöru mo‑nyancha e mororo muhaari chwee.