2 Abhatesaronike 2:16 - Eriiraghano Eriihë

¹⁶ Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

2 Abhatesaronike 2:16 ပူးပေါင်းရင်းမြစ်များ

Ruuka 16:25

“Amare, Abhurahamu akamugharokeri, ‘Oo omoona waane, ohiite kubha ꞉noobhwine amangʼana amachömu mo‑riimanya reecho, hano ore mo‑se. Rasaaro nawe, ꞉naabhwine amabhe. Amare ibheere, iwe nakuhönibhu hano, na niiye nokunyaaka.

Yohana 13:1

Mbe, eriibhagha anyangi e Bhaasaka ere ekeere kohika, Yesu akamënya kubha eriibhagha reeche ˆrekahika re ghutanura mo‑se ino ghuye ghwi Ishe. Yesu naare asiighiri abhaato bhaache bhano ꞉bhaare mo‑se, wiiki ꞉naabhasiighiri koheta ekirëngërë.

Yohana 15:13

Taanyi‑ho omooto uno anyi no obhosiighi bhokoro ghokera bhuno, bho mooto koruusi obhuhöru bhooche gho ghiri e bhasaani bhaache.

Yohana 15:9

Kinya bhuure Taata ansiighiri, nibhu na neeni nebhasiighiri inyu. Mbe, mwikare mo‑bhosiighi bhoone.

Yohana 16:22

Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Amaköri gha Bhatomu 15:11

Itu ntoghokumi kubha, ntoghotooribhu gho ghareeya e Mutëmi wiito Yesu, kinya ibho bhoose bhaghotooribhu nayo.”

Amaköri gha Bhatomu 18:27

Akamara Abhooro akëënda ghuye mo‑mukööwa o Akaaya. Abhakirisito abhaghëndi bhaache bhakamwisherereri, bhakabhaandëkëra abhaghëndi bhaabho bha iyo anyaarubha kubha bhamughënëhi bhoheene. Hano ahikiri iyo, akabhatoori chwee bhano ꞉bhaare bharamokumi Yesu gho ghareeya e Ryobha.

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

Abharuumi 4:16

Kiyo nikyo gheghughëri eriiraghano re Ryobha riitëngʼërë obhokumi obhwene, gho kubha ndeghwitëngʼëra aghareeya yaache. Gho nchëra iyo, ghoose ghano bharaghiiru abhaato bhoose bha rwibhoro ro Abhurahamu, ghabhe gha hëënë, taanyi kwo Bhayahuuti abheene bhano bhakohikeerani emeghiro, amare koru kwo bhano bhakorekumi Eryobha kinya bhuno Abhurahamu aköriri. Abhurahamu n‑taata wiito itu bhoose bhano tokorekumi Eryobha.

Abharuumi 4:4

Mbe, hano omooto aghuköra emeremo, amareho ghaache ghataanyi atuho, amare n‑egheghiro kino arëngʼaaniire korehu.

Abharuumi 5:8

Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhaebheeso 5:25

Na niinyu abhasubhe, mubhe morabhasiigha abhakari bhaanyu, kinya Kirisito ꞉aresiighiri eriikanisa, akiiruusi omwene gho ghiri e riikanisa.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abhakorosaayi 1:5

Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

1 Abhatesaronike 3:11

Ntokomusabha Waryobha, Taata wiito omwene, na Yesu Omutëmi wiito, atusëëmërë anchëra e kuucha bhowaanyu.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

Tiito 1:2

na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

Abheebhuraaniya 7:19

꞉Ndeegheruusiri gho kubha emeghiro ghiyo ghetaare no obhotoro bho kohikeerani egheghiro ghyokyose, amare ibheere Eryobha ndetoheere amiitëngʼërö aghande ghano ghaanyi no obhwëra bhokoro, gho kohetera ghayo, ntoghotora koriishukerera.

1 Yohana 3:16

Mbe, Kirisito hano abhoruusiri obhuhöru bhooche gho ghiri yiito, natwërëkiri obhosiighi bho bhuhëënë n‑ghento ke. Wiiki na niitu hangʼu hangʼu, ntokwëndëru toruusi obhuhöru bhwito gho ghiri e bhaghëndi bhiito.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 22:5

Mo‑moghya uyo, hataakubha no obhotiko wiiki. Abhaato bhataakubha bharëënda obhwero bho romore hamu bho mu, gho kubha Omutëmi Waryobha naakubha obhwero bhoobho. Nabho abhaato bhayo mbaghukangata emiishe ne emiishe.

Obhohunyurëru 3:9

Mutëghëërërë! Nekobharëëtëra inyu abhaghëndi bha Rishambu, bhano bhakwibherekera n‑Abhayahuuti, abhaato bha Ryobha, amare tiyaanyi, m‑bharöngö. Mbe, bhano nekobhaköra bhaache bhabhahighamere. Niho bhakumënya kubha, nebhasiighiri inyu.