2 Abhatesaronike 2:14 - Eriiraghano Eriihë

¹⁴ Eryobha ndebhabherekiire inyu, kubha mubhönë obhotoori bhuyo gho nchëra e Ngʼana Anchömu ino ꞉tuuraghiini bhowaanyu. Ndebhabherekiire kubha mubhönë obhokumi obhokoro bho Mutëmi wiito Yesu Kirisito.

2 Abhatesaronike 2:14 ပူးပေါင်းရင်းမြစ်များ

Mataayo 25:21

“Omutëmi waache akamobhoorera akabhugha, ‘Nuköriri bhoheene chwee. Iye n‑omusësë omughareeya onyi, wiiki omuhëënë! Noore omuhëënë kwo bhesuuhu bhino ꞉neekoheere, ibheere neghoghotoora kubha omwimeerereri o bheghiro bhyaru. Nuuche uchömëru haghirohamu na neeni.’

Yohana 17:22

Obhokumi obhokoro bhuno oheere eni, nebhaheere abhaanabheegha bhaane, kubha bhabhe egheghiro kimu, kinya bhuno itu toonyi egheghiro kimu.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

2 Timotewo 2:12

Aribha toghoghumereri, ntoghutëmi haghirohamu nawe. Aribha toramwanga, woose naghotwanga.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

2 Bheetero 1:3

Eryobha kohetera mo‑bhotoro bhooche, ndetoheere amangʼana ghoose ghano tookwënda, kubha tubhe no obhuhöru, na tukörë ghano ghakwëndëru ambërë yaache. Ndetoheere ghayo gho nchëra e korimënya rino atobherekiire gho ghiri e bhokumi obhokoro no obhuhöriicho bhooche eryene.

Obhohunyurëru 21:23

Omoghya uyo toonyi na amënda gha bhwero bho ryobha hamu omwëri, gho kubha obhokumi obhokoro bho Waryobha mbokowurëngareri, no Omoona o Ngʼöndu niwe oromore rooche.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.