2 Abhatesaronike 2:12 - Eriiraghano Eriihë

¹² Niho bhoose bhano bhataaghokumi obhuhëënë, na ghuchömëru na amasari, mbaghoteneru ekiina.

2 Abhatesaronike 2:12 ပူးပေါင်းရင်းမြစ်များ

Maariko 14:11

Hano bhooghwire amangʼana ghayo, bhaghachömëru chwee, bhaghiishererani nawe komuha chambiiri. Niho Yuuta aghasëëma ghutabhara omweya omuchömu o komwigharurani Yesu.

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Abharuumi 1:32

Abhaato bhayo mbeeche bhoheene kubha, omooto araköra amaköri amabhe kinya ghayo, naakubha arëngʼaaniire ghosireekereru ne Eryobha. Koru hangʼu, bhataaghotereera! Mbakwëndërëra ghuköra amabhe kinya ghayo, wiiki mbaghwishererani na abhaato bhano bhaghoghaköra!

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

Abharuumi 2:8

Amare ndekobhakararera na kobharööna abhaato bhano bhakwanga obhuhëënë na ghuköra amabhe, gho kurëngʼaana no obhusööhu bhoobho.

1 Abhakorinto 13:6

Obhosiighi mbokomuköra omooto arëghë amabhe, amare naghuchömëru no obhuhëënë.

1 Abhatesaronike 5:9

Eryobha retatwahwire itu kubha retosireekereri kwo bhororo bhooche, amare ndetwahwire kubha tubhönë obhotoori gho nchëra e Mutëmi wiito Yesu Kirisito.

2 Abhatesaronike 2:10

Wiiki nakobhangʼiina gho chanchëra chaaru bhoose bhano bhaanyi mo‑nchëra e kobhora, gho kubha mbaangiri ghosiigha obhuhëënë kubha bhabhönë ghotooribhu.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.