2 Abhatesaronike 2:10 - Eriiraghano Eriihë

¹⁰ Wiiki nakobhangʼiina gho chanchëra chaaru bhoose bhano bhaanyi mo‑nchëra e kobhora, gho kubha mbaangiri ghosiigha obhuhëënë kubha bhabhönë ghotooribhu.

2 Abhatesaronike 2:10 ပူးပေါင်းရင်းမြစ်များ

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Yohana 3:17

Eryobha retaamotomiri Omoona waache kubha atenere abhaato ekiina, amare abhaato bhatooribhu gho kohetera iwe.

Yohana 5:34

Eni nteeghwitëngʼëra nighamberu na abhaato, amare nekobhabhoorera ghoose ghayo kubha motooribhu.

Abharuumi 10:1

Abhahiiri bhaane, kino nekwënda mo‑motema waane n‑kubha Abhiisiraeri bhatooribhu. Kiyo nikyo nekobhasabhera kwo Waryobha chaasiko choose.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

Abharuumi 6:17

Kare, inyu moore abhasësë bha masari. Amare nekoriitabheri Eryobha, gho kubha ibheere mwisheriiri kwo metema gheenyu ghyose ghosooka ameeghi gha bhuhëënë ghano ꞉moosongʼaaniri.

1 Abhakorinto 1:18

Angʼana e roko ro Kirisito mo‑musarabha n‑e ghighëëghë kwo bhaato bhano bhakobhora, amare ghokwito itu bhano toghotooribhu, angʼana iyo n‑changuru che Ryobha.

1 Abhakorinto 16:22

Omooto wowoose uno atamosiighiri Omutëmi Yesu, niihiimuru. Omutëmi wiito nuuche!

2 Abhakorinto 11:13

Abhaato kinya bhayo n‑abhatomu bha bhuröngö. Ibho mbaghuköra emeremo ghe kobhangʼiina abhaato, mbaghwiköri kinya n‑abhatomu bha Kirisito.

2 Abhakorinto 11:15

Gho ghayo, taanyi ngʼana e koroghoora korighi koru bhano bhakorihökëri, bhariiköri kinya abhatamishi bha hëënë. Antenero yaabho mbaghosongʼaana ghano gharëngʼiine na amaköri ghaabho.

2 Abhakorinto 2:15

Hangʼu keenyi, gho kubha itu n‑kinya ekeneeso eghichömu kino Kirisito akoreruuseri Eryobha. Ekeneeso kiyo ngekobhahikera abhaato bhoose, bhano bhaghotooribhu na bhano bhakobhora.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

1 Abhatesaronike 2:16

gho kubha mbaghoturëki kobharaghaneri abhaato bha matöngö Angʼana Anchömu. Mbakwënda kubha abhaato bhatatooribhu. Hangʼu hangʼu mbakwëndërëra ghuköra amasari eriibhagha ryose. Amare ibheere obhororo bho Ryobha ˆbhokabhahikera!

2 Abhatesaronike 2:12

Niho bhoose bhano bhataaghokumi obhuhëënë, na ghuchömëru na amasari, mbaghoteneru ekiina.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

1 Timotewo 2:4

Eryobha ndëhëënda abhaato bhoose bhatooribhu na kumënya obhuhëënë.

Abheebhuraaniya 3:13

Amare mtöngërane inyu bheene kwo bheene kira rosiko runo rokobherekeru kubha “Reero,” kubha ataacha kubhönëka omooto wowoose ghateghate yaanyu uno akongʼiinu na amasari na kwanga komokumi Waryobha.

2 Bheetero 2:12

Amare abhaato bhayo mbaghotoka kino bhateeche. Mbatuubhiine na chatyenyi chino chetaanyi no obhumënyi na chino cheghukangatu na amiigha gha mebhere. Nchekwibhoru, kubha chighöötu na ghosinchu! Hangʼu nibhu bhaghosireekerera, abheeghi bhayo bha bhuröngö.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.