2 Abhatesaronike 1:4 - Eriiraghano Eriihë

⁴ Gho ghayo, ntoghosiikëra gho ghesubhe subhe mo‑makanisa gha Ryobha gho ghiri e bhoghumereri no obhokumi bhoonyu bhuno moonyi nabho, mo‑nyaako yoose ino ekobhabhöna.

2 Abhatesaronike 1:4 ပူးပေါင်းရင်းမြစ်များ

Abharuumi 12:12

Muchömëru gho kubha moonyi ne eriitëngʼërö re kubhöna ghoose ghano Eryobha ꞉reebharaghiire. Moghumereri mo‑nyaako ino ekobhabhöna, na mwëndërërë korisabha Eryobha.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abharuumi 8:25

Amare toriitëngʼëra kuhaabhu egheghiro kino totaaghotora ghokerighi, niho toghoghumereri ghughanya, totaaghoku omukörö.

1 Abhakorinto 7:17

Omooto woose amanye kurëngʼaana na kinya Omutëmi amurëngiire, wiiki mumanye kinya bhuno mobherekiiru ne Eryobha. Hangʼu nibhu nekuraghereri mo‑makanisa ghoose.

2 Abhakorinto 12:10

Gho ghayo, neghuchömëru chwee ighoro e bhutöbhu, na ghotoku, na kubha na anyööri, na kubha mo‑nyaako na kwirighora ighoro e Kirisito. Neenyi no oghuchömëru, gho kubha eriibhagha neekubha mutöbhu, niho neekubha na changuru.

2 Abhakorinto 7:14

Eni ꞉neebhaghongiri chwee ambërë yaache, na niinyu motanköriire chaasoni. Ghoose ghano toore torabhabhoorera ngaare gha hëënë. Hangʼu hangʼu, na ghano ꞉toobhaghongiiri inyu gho Tiito, ghoose ꞉ngaarighiibhu kubha n‑gha mahëënë.

2 Abhakorinto 7:4

Neenyi no obhosubhesubhe chwee hano neghosiikëra na niinyu, wiiki nekwihacha chwee gho ghiri yaanyu. Mungambisiini chwee na muköriri nibhe na ghuchömëru kwaru, nangabha tokunyaaka mo‑maaru.

2 Abhakorinto 9:2

gho kubha nyeeche omukörö waanyu o kobhatoori abhande. Wiiki, eni nekwihacha ighoro yaanyu kwo bhaato bha Maketoniya, neghosiikëra kubha, inyu abhaato bha riikanisa re mo‑mukööwa o Akaaya ꞉mwisëëmiri koruusi korwera omooka uno ohetiri. Ghwiköngʼi koonyu kuyo, ngughëriri abhaato bhaaru ghate yaabho kubha no omukörö o koruusi.

2 Abhakorinto 9:4

Aribha neraacha iyo haghirohamu na Abhamaketoniya na kubhöna motaamara mwisëëmi, hayo mookubha motuköriire chaasoni ighoro e miitëngʼërö ghiito ghokoonyu. Wiiki na niinyu mookubha na chaasoni chino chetaaghughambu.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

1 Abhatesaronike 2:14

Bhahiiri bhiito, ghaare ꞉ghaabhabhwine abhaato bhano bhamokumiri Kirisito Yesu mo‑makanisa gha Ryobha mo‑mukööwa o Yuteya, nigho ghayo ghayo ˆghakabhabhöna na niinyu. Abhaato bhaanyu mbabhanyaakiri, bhuure bhuure kinya ibho Abhayahuuti bhaghëndi bhaabho ꞉bhaabhanyaakiri.

1 Abhatesaronike 2:19

꞉Ntwëëndiri kuucha bhowaanyu wiiki gho kubha, inyu niinyu abhatangi bha riitëngʼërö riito. Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha? Taanyi inyu?

2 Abhatesaronike 3:5

Omutëmi aghikangate emetema gheenyu mumënyë bhoheene obhosiighi bho Ryobha no obhoghumereri bhuno bhwërëkuru na Kirisito.

Abheebhuraaniya 10:36

Mokwëndëru mubhe moraghumereri kubha eriibhagha mookubha moraköra ghano Eryobha rekwënda, mubhönë kiire Eryobha ꞉reebharaghiire kobhaha.

Abheebhuraaniya 6:12

Motabha abhatöbhu, amare mweghe gho nchëra e ghokumi na ghoghumereri, koru kwo bhano bhasongʼaaniri ghano Eryobha ꞉riiraghiri kobhaha.

Abheebhuraaniya 6:15

Mbe, Abhurahamu ꞉naaghanyiri na ghoghumereri mbagha akabhöna kino Eryobha reere remuraghiire.

Yakobho 5:11

Bhaare bhaghumeriiri ntokobhabhara kubha mbiitabhiiru. Mooghwire kinya Ayubhu aghumeriiri, na antenero mweche kebhuno Omutëmi amuköriire amachömu. Ghayo ghoose n‑gho kubha Omutëmi niichwire ebheghongi na aghareeya yaaru.

2 Bheetero 1:6

Wiiki obhumënyi bhuyo bhwëngëru ghwikangata, na ghwikangata kuyo kwëngëru obhoghumereri, no obhoghumereri bhuyo bhwëngëru ghuköra ghano ghakwëndëru ambërë e Ryobha.

Obhohunyurëru 14:12

Ibheere abhatööbhiyu mbakwëndëru bhaghumereri. Bhayo nibho bhaghöötiri emeghiro ghe Ryobha na komokumi Yesu.