2 Abhatesaronike 1:12 - Eriiraghano Eriihë

¹² Ntoghusabha hangʼu kubha eriina re Mutëmi wiito Yesu ribhe reraghongibhu gho ghiri yaanyu. Wiiki na niinyu mubhe moraghongibhu gho ghiri yaache, kurëngʼaana na aghareeya e Ryobha riito, ne e Mutëmi Yesu Kirisito.

2 Abhatesaronike 1:12 ပူးပေါင်းရင်းမြစ်များ

Yohana 17:10

Abhaato bhoose bhano bhaanyi bhabhaane m‑bhabhaacho, wiiki abhaato bhoose bhano bhaanyi bhabhaacho m‑bhabhaane. Obhokumi bhoone obhokoro mboroochiibhu mo‑bhano oheere.

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

1 Abhakorinto 1:4

Nekoriitabheri Eryobha eriibhagha ryose gho ghiri yaanyu, gho kubha ndebhaheere aghareeya ino gho nchëra e Kirisito Yesu.

2 Abhakorinto 13:4

M‑mahëënë kubha Kirisito ꞉naamamburu mo‑bhutöbhu, amare ibheere m‑muhöru gho changuru che Ryobha. Hangʼu hangʼu na niitu m‑bhatöbhu toonyi kinya iwe, amare eriibhagha tokobhahökëri inyu, ntookubha abhahöru haghirohamu na iwe gho changuru che Ryobha.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Abhabhiribhi 3:9

wiiki nighöötane nawe kimu. Nteeghwitëngʼëra wiiki obhuhëënë bhuure bhokorwera gho ghutambana emeghiro, amare neghwitëngʼëra obhuhëënë bhuno bhookoru gho komokumi Kirisito. Obhuhëënë bhuyo, mbokuhaanu ne Eryobha mo‑bhaare bhamokumiri Kirisito.

2 Abhatesaronike 1:10

Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

Tiito 2:11

Ubhe oreeghi amangʼana ghayo ghoose, gho kubha Eryobha ndyërëkiri aghareeya yaache, gho kurëëta obhotoori mo‑bhaato bhoose.

1 Bheetero 4:14

Aribha moghotoku gho ghiri e riina re Kirisito, ngʼoni inyu. Angʼana iyo nekwërëki kubha Akörö e Ryobha e bhokumi obhokoro neenyi haghirohamu na niinyu.

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,