2 Abhatesaronike 1:10 - Eriiraghano Eriihë

¹⁰ Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

2 Abhatesaronike 1:10 ပူးပေါင်းရင်းမြစ်များ

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 24:36

“Amare, ighoro e rosiko ne eriibhagha re kuucha koone, taanyi‑ho omooto uno eche, koru bhamarayika bha Mwishaaro, amare n‑Taata waane omwene chiri.

Mataayo 25:31

Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.

Mataayo 7:22

Mo‑rosiko ro ghoteneru ekiina runo rokuucha, abhaato bhaaru mbakomboorera bharabhugha, ‘Oo Omutëmi, oo Omutëmi! Kana, teenyi kwo riina reecho ꞉ntooruusiri obhurööti, na kuhëëbha emisambu na ghuköra ebheroghooro bhyaru?’

Ruuka 10:12

ˆNekabhabhoorera kubha, orosiko ro ghotenera ekiina abhaato bha se, ndekobhatenera ekiina abhaato bha moghya uyo kwo bhororo ghokera kebhuno rekobhatenera ekiina abhaato abhabhe bha Sotoma!

Yohana 11:4

Hano Yesu oghwire amangʼana ghayo, akabhugha, “Obhubhabharu bhuyo taanyi bho komwita, amare m‑bho kwërëki obhokumi obhokoro bho Ryobha, kubha Omoona o Ryobha aghongibhu kohetera obhubhabharu bhuyo.”

Yohana 17:10

Abhaato bhoose bhano bhaanyi bhabhaane m‑bhabhaacho, wiiki abhaato bhoose bhano bhaanyi bhabhaacho m‑bhabhaane. Obhokumi bhoone obhokoro mboroochiibhu mo‑bhano oheere.

1 Abhakorinto 1:6

Ghano ngakwërëki kubha amangʼana ghano tobharaghaniiri ighoro e Kirisito n‑gha hëënë.

1 Abhakorinto 3:13

ne emeremo ghe mooto woose ngekorighibhu kubha nibhu gheere. Orosiko ruure ro ghoteneru ekiina emeremo ghyose ngeghotooru haheero, gho kubha emeremo ghe mooto woose, ngekurëngu kwo mororo o ghotenera ekiina.

Abhagharatiya 1:24

Mbe, bhakareghongi Eryobha gho ghiri e ghano rinköriire.

Abhaebheeso 1:12

꞉Ndiiköriri hangʼu, gho ghiri yiito itu Abhayahuuti bhano ꞉tuushamiri komwitëngʼëra Kirisito, Eryobha reghongibhu kwo bhokumi bhooche obhokoro.

Abhaebheeso 1:14

Akörö iyo niyo ekimanyenkereri kiito ghe kubhöna ghoose ghaare Eryobha ꞉reeturaghiire itu abhaato bhaache. Akörö iyo nekuhëënëhi kubha, Eryobha ndeghototingori inkongʼorimu, bhoose bhano toonyi abhaato bhaache. Toreghongi gho ghiri e bhokumi bhooche obhokoro.

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,

Abhaebheeso 1:6

Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Abhaebheeso 2:7

Hangʼu nibhu akwënda kwërëkani kwo bhaato bha riibhagha rino rekuucha, obhwaru bho ghareeya yaache ino etaanyi ne ekirëngërë, ino retoheere kwo bhuchömu gho ghughöötana kwito na Kirisito Yesu.

Abhaebheeso 3:10

Nebhatoorere haheero kubha, gho nchëra e riikanisa, abhakangati na bhano bhaanyi no obhotoro mo‑se ino etaakorighibhu, bhamënyë amangʼiini gha Ryobha ghano ghaanyi gha manga maaru.

Abhaebheeso 3:16

Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

1 Abhatesaronike 2:1

Inyu bhahiiri bhiito, mweche kubha okuucha kwito bhowaanyu, ghotaare bhoowa.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

2 Abhatesaronike 1:12

Ntoghusabha hangʼu kubha eriina re Mutëmi wiito Yesu ribhe reraghongibhu gho ghiri yaanyu. Wiiki na niinyu mubhe moraghongibhu gho ghiri yaache, kurëngʼaana na aghareeya e Ryobha riito, ne e Mutëmi Yesu Kirisito.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Timotewo 1:18

Na niiye weeche bhoheene, amangʼana maaru ghano anköriire mo‑moghya o Ebheeso. Omutëmi Yesu amusabhere Onesibhooro ebheghongi kwo Mutëmi Waryobha orosiko ro ghoteneru ekiina.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.