2 Abhakorinto 9:6 - Eriiraghano Eriihë

⁶ Mohiite amangʼana ghano kubha, “Omooto uno akwemi bhirëngʼaaneru, nahaaghësa bhirëngʼaaneru, na uno akwemi bhyaru, nahaaghësa bhyaru.”

2 Abhakorinto 9:6 ပူးပေါင်းရင်းမြစ်များ

Ruuka 6:38

Mobhahë abhaato ebheghiro bhino bhakwënda, niho na inyu mokuhaabhu. Ebheghiro bhino mokuhaabhu, mbeekubha mo‑kirëngërë ghichömu chwee. Ekirëngërë ngeghosingisu na ghwighateru, mbagha ghiichore chwee, koru keriiteka. Gho kubha, ekirëngërë kino mokurëngëra abhande, nikyo kiyo kiyo na niinyu Eryobha rekobharëngëra.”

1 Abhakorinto 1:12

Ibheere, ghano nekwënda ghosiikëra nigho ghano, kubha, omooto woose ghate yaanyu naghosiikëra ghaghaache, umu nakobhugha kubha, “Eni n‑o Bhawuro.” Owonde nakobhugha kubha, “Eni n‑o Abhooro.” Owonde nakobhugha kubha, “Eni n‑o Keebha.” Owonde nakobhugha kubha, “Eni n‑o Kirisito.”

1 Abhakorinto 15:20

Amare ibheere, obhuhëënë n‑kubha Kirisito naryokiri koru mo‑bhaku, na niwe o mumbërë koryoka kwo bhano bhakuure.

1 Abhakorinto 7:29

Abhahiiri bhaane, nekwënda kobhugha kubha, eriibhagha n‑ighuhe reghasaagha, mbagha Kirisito agharuke. Korwera ibheere bhano bhakwiriri bhatighe kwihëëbhëra abhakari bhaabho okwene, amare bhakörë emeremo ghe Mutëmi.

2 Abhakorinto 9:10

Eryobha niryo rekomuha omooto ambusuro e kwemi ne ekiinyakurë. Hangʼu hangʼu, ndekobhaha inyu ambusuro e kwemi na köyëngërëërëri. Niko kobhugha kubha, ndekobhaha na köbhëëngërëërëri omukörö o kobhasakeri abhande.

2 Abhakorinto 9:5

Gho ghayo, nerooche m‑bhoheene nebhasabhe abhahiiri bhiito bhayo, bhatukangate kuucha iyo bhowaanyu, kubha bhasëëmi ebheghiro bhino ꞉mooturaghiire. Gho nchëra iyo mookubha moruusiri gho kwënda koonyu, taanyi gho kuhaamereru.

Abhagharatiya 3:17

Kino nekwënda kobhugha n‑kubha, Eryobha ꞉ndiiköriri eriiraghano reeche emeeka amaghana ane na miröngö etato, emeghiro ghe Musa ngeere ghekeere kubha‑ho. Gho ghayo, emeghiro ghiyo ghetaaghotora ghusari eriiraghano riyo koru ghugharura eriiraghano reeche.

Abhagharatiya 5:16

Mbe, kino nekobhabhoorera n‑kubha, eriimanya reenyu rikangatu na Akörö Ahörëëru. Moraköra hangʼu, motaaghutambana wiiki amiigha ghaanyu amabhe.

Abhaebheeso 4:17

Mbe, kwo riina re Mutëmi ˆnekabhatöngëra kubha, motamanya wiiki kinya abhaato bhano bhataryeche Eryobha. Ibho amiihëëbhö ghaabho ghataanyi no obhwëra,

Abhakorosaayi 2:4

Ibheere ˆnekabhaandëkëra ghayo, motiishereri kongʼiinu no omooto wowoose kwo mangʼana gha bhuröngö, nangabha ghaanyi gha ghotegheri.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.