2 Abhakorinto 9:15 - Eriiraghano Eriihë

¹⁵ Tubhe torariitabheri Eryobha gho ghiri e kihaano ghekoro ghe koroghoori, kino retoheere.

2 Abhakorinto 9:15 ပူးပေါင်းရင်းမြစ်များ

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Ruuka 2:38

Kwo riibhagha riyo, Ana akahika hayo ꞉bhaare Simiyooni, na Yusubhu, na Mariyamu no omoona uyo, aghasëëma koreghongi Eryobha. Arabhabhoorera amangʼana gha moona uyo, mo‑bhaato bhayo ꞉bhiitëngʼiire kubha, Eryobha ndeghotoori Yerusareemu.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Abharuumi 5:15

Amare eriisari re Ataamu retakurëngʼaana na atuho e ghareeya e Ryobha. Ataamu n‑omooto umu uno aköriri abhaato bhoose bhaku kurëngʼaana ne eriisari reeche. Amare naanyi‑ho umu, Yesu Kirisito, uno akobhaha abhaato bhaaru atuho e ghareeya e Ryobha. Aghareeya e Ryobha tighöötë ekirëngërë, neghokera eriisari re Ataamu!

Abharuumi 6:23

Omooto wowoose uno anyi omusësë o masari, amareho ghaache n‑oroko ro miishe ghyose. Amare itu, Eryobha ndeghotuha obhuhöru bho miishe ghyose. Obhuhöru bhuyo taanyi amareho, amare n‑atuho ino toghosongʼaana kohetera Kirisito Yesu, Omutëmi wiito.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

1 Abhakorinto 15:57

Amare ntoriitabheri Eryobha, rino reghotuha ghokinda gho nchëra e Mutëmi wiito Yesu Kirisito.

2 Abhakorinto 2:14

Amare ntokoriitabheri Eryobha gho kubha ndeghotukangata eriibhagha ryose mo‑murööbhö o ghuchaghanera obhokindi bho Kirisito ighoro e bhabhisa bhaache. Wiiki Eryobha ndeghotuköra itu ghusanchi obhumënyi bho ngʼana ighoro e Kirisito chambaara choose, nibheere kinya bhuno ekeneeso eghichömu kehaasancha ahaghiro hoose.

2 Abhakorinto 9:11

Ndeekubha rerabhaha obhwame mo‑ghoose, kubha mubhe abhasambaroku eriibhagha ryose. Hayo niho abhaato bhaakubha bharariitabheri Eryobha gho ghiri e bheghiro bhino tokobhahirera koru ghokoonyu.

2 Abhakorinto 9:14

Niho bhaakubha bharabhasabhera kwo Waryobha kwo mukörö woose, gho ghiri e ghareeya ino etaanyi ne ekirëngërë ino Eryobha rebhaheere inyu.

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

Yakobho 1:17

Mumënyë egheghiro kyose eghichömu kino tokuhaabhu, ngekoru Mwishaaro kwo Ryobha omutëëmi o mirëngaari. Iryo retaaghotora ghwigharura kinya ekiriiri kehiigharura.

Obhohunyurëru 4:9

Ebhetyenyi bhiyo bhine mbeere bheramoghongi, na komosooka na komwitabheri wuure are ikeere mo‑ghetumbe ghe ghitëmi, uno amanyiri emiishe ghyose.