Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Abhakorinto 8:9 - Eriiraghano Eriihë

9 Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

အခန်းကိုကြည့်ပါ။ ကော်ပီ




2 Abhakorinto 8:9
43 ပူးပေါင်းရင်းမြစ်များ  

Amare totaacha kobhakarari abhaato bhano, nooghi mo‑nyancha uröbhi. Asu a yimbërë ino oghughööti, oyisënë mo‑monu, nokubhöna‑mu chambiiri, oghi orehe erighööti reene na re reecho.”


Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”


Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”


Omooto uno taanyi wuure seremara, omoona o Mariyamu, ömööbhö waabho na Yakobho, na Yoose, na Yuuta na Simiyooni? Kana, na bhasubhaati bhaabho bhataanyi na niitu hano?” Bhaghakarara ighoro yaache, bhakaanga komokumi.


Ibheere aribha inyu motabheere abhahëënë gho kuhökëri obhwame bhoonyu bho mo‑se ino, n‑niwe akobhaha obhwame bho hëënë?


Akiibhora omoona o kebhureni omutange waache, akamokundekeri changibho. Akamuraari mwitore, gho kubha, bhataabhwine omweya mo‑chanyumba che bhaghëni.


Wiiki naare‑ho Yowana, omukari o Kusa. Kusa uyo, niwe uno are ariimeererera ebheghiro bhe mutëmi Herote Antibha. Mbaare‑ho wiiki Susana, na abhakari abhande bhaaru. Abhakari bhayo, mbaare bhararuusi ebheghiro bheebho, gho komotoori Yesu na abhaghëndi bhaache.


Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”


Mbe, Angʼana neere‑ho mo‑se muno. Amare abhaato bha mo‑se bhatayimënyiri, koru nangabha Eryobha ꞉riitëëmiri ase gho kohetera ghokooche.


Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.


Mbe, gho kubha Eryobha ꞉ndeeruusiri emeghiro gheeche gho nchëra e Musa, amare aghareeya no obhuhëënë mbiichiri gho nchëra e Yesu Kirisito.


Amare Yesu akabhabhoorera abhaato bhayo akabhugha, “Eriiraka rino mooghwire retaare gho ghiri yaane, amare ndeere gho ghiri yaanyu.


Ebheghiro bhyose bhino Taata anyi nabhyo m‑bhebheene. Gho ghiri iyo neghosiikëra kubha Akörö iyo nekobhabhoorera ghoose ghano ekubha ebhwine koru ghokoone.


ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.


Ibheere, aribha mo‑se yoose abhaato bha matöngö, mbabhwine aghareeya inkoro gho kubha Abhiisiraeri mbamwangiri Kirisito, mbe, mbakubhöna aghareeya inkoro chwee hano Abhiisiraeri bhaakubha bhatooriibhu.


Koru Kirisito woose, taaköriri amangʼana ghano ghakomotegheri iwe omwene chiri. Amare ꞉naaköriri kinya bhuno Amandëkö Amatööbhiyu ghakobhugha kubha, “Amatoki ghano bhaghoghotoka iye Waryobha, ngambwine eni, omwahöru waacho.”


Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.


Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!


Nekoriitabheri Eryobha eriibhagha ryose gho ghiri yaanyu, gho kubha ndebhaheere aghareeya ino gho nchëra e Kirisito Yesu.


Omooto o mumbërë, Ataamu, naare o mo‑se, natëëmuru koru mwiröbhë. Omooto o kabhere, n‑Kirisito, uno aruure Mwishaaro.


Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.


Hangʼu nibhu akwënda kwërëkani kwo bhaato bha riibhagha rino rekuucha, obhwaru bho ghareeya yaache ino etaanyi ne ekirëngërë, ino retoheere kwo bhuchömu gho ghughöötana kwito na Kirisito Yesu.


Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.


Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.


Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.


Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.


Amare chaasiko chino che ntenero, Eryobha ndeghosiikëra na niitu kohetera Omoona waache. ꞉Ndeemwahwire Omoona uyo abhe omughabhi o bheghiro bhyose, wiiki gho kohetera ghokooche Eryobha ꞉ndiitëëmiri ase.


Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.


Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.


Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.


Gho ghayo, nekobharwacha moghore koru ghokoone asahaabhu ino yeghuru no omororo kubha mubhe abhaame. Moghore angibho ayeero, mobhise ekingʼaabhi keenyu kubha motarighi chaasoni. Wiiki moghore omote o kuhaka mo‑miisho kubha motore korighi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ