2 Abhakorinto 8:8 - Eriiraghano Eriihë

⁸ Nteeghosiikëra ghano gho ghiri e kobhahatëka, amare nekwënda korighi aribha obhosiighi bhoonyu m‑bho hëënë. Neghuköra hangʼu gho nchëra e köbhëërëki kinya bhuno abhande bhaghwiköngʼi ghusakeri.

2 Abhakorinto 8:8 ပူးပေါင်းရင်းမြစ်များ

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

1 Abhakorinto 7:12

Ibheere neghosiikëra na abhakumi abhande. Amangʼana ghano nekobhugha n‑amiihëëbhö ghaane, taanyi amëërëkërëri gha Mutëmi Yesu. Aribha omosubhe omokumi, nakwiriri omukari uno taanyi omokumi, na omukari uyo niisheriiri kwëndërëra ghwikara nawe, atamotigha.

1 Abhakorinto 7:25

Ibheere, kwo bhaakë bhano bhakeere ghokwiru, ntighöötë amëërëkërëri koru kwo Mutëmi Yesu. Amare nëköbhëërëkërëri kwo miihëëbhö ghaane, eni uno neenyi omuhëënë gho changori che Ryobha.

1 Abhakorinto 7:6

Nebhabhooriire amangʼana gha kobhiisherereri ghutaana kwo riibhagha ighuhe gho ghiri e ghusabha, taanyi gho kobhahaamereri.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

2 Abhakorinto 8:10

Ibheere, ighoro e musörörö uno, nekobhabhoorera rino reenyi re bhwëra ghokoonyu. Nekwëndëru mumare ghano musëëmiri mo‑mooka uno ohetiri. Eriibhagha riyo, moore a bhambërë kwërëki amiigha gha ghusöröra na a bhambërë ghusëëma ghuköra hangʼu.

2 Abhakorinto 8:24

Gho ghayo, möbhëërëki abhaato bhayo obhosiighi bhoonyu, kubha amakanisa ghamënyë kubha ntoonyi ne ekebhune ghe kwihacha ighoro yaanyu.

2 Abhakorinto 9:2

gho kubha nyeeche omukörö waanyu o kobhatoori abhande. Wiiki, eni nekwihacha ighoro yaanyu kwo bhaato bha Maketoniya, neghosiikëra kubha, inyu abhaato bha riikanisa re mo‑mukööwa o Akaaya ꞉mwisëëmiri koruusi korwera omooka uno ohetiri. Ghwiköngʼi koonyu kuyo, ngughëriri abhaato bhaaru ghate yaabho kubha no omukörö o koruusi.

2 Abhakorinto 9:7

Omooto woose aruusi kinya bhuno ꞉ëndiri mo‑körö yaache, atighe koruusi kwo macheeche hamu gho kuhaamereru, gho kubha Eryobha ndemosiighiri omooto uno akoruusi kwo mukörö mwero.

Abhaebheeso 4:15

Amare torabhoorerana obhuhëënë kwo bhosiighi, ntoghuköngʼa mo‑mangʼana ghoose na kohikera kubha kinya Kirisito, uno anyi omutu o riikanisa.

Abhaebheeso 6:24

Aghareeya e Ryobha, ibhe na bhoose bhano bhamosiighiri Omutëmi wiito Yesu Kirisito, kwo bhosiighi bhuno bhotaanyi na antenero. Hawubhaabha.

Abheebhuraaniya 10:24

Wiiki totereere bhuno toghotoorana omukörö, kubha tosiighane na ghukörërana amachömu itu bheene kwo bheene.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,